劉青雲、莫文蔚（Karen）及韓國女歌手CL今日（4日）出席於中環舉行的腕錶活動，青雲表示略有收藏腕錶，有配合工作、休閒、行山、游水等不同款式，首隻收藏的腕錶，是多年前太太郭藹明送贈的生日禮物，珍藏至今，而他也有送腕錶給太太，覺得手錶是永恆及不會過時。他又稱有情侶錶，甚至穿情侶裝，笑言着衫經常撞色，真是心有靈犀。問是否已準備金像獎頒獎禮戰衣？他說：「仲未，太太會為我準備」。
劉青雲：許冠文係大大大前輩
劉青雲憑電影《爸爸》入圍角逐香港電影金像獎「最佳男主角」，問他可有信心奪獎？他直言一向對自己有信心，「不過唔好話其他入圍演員係對手，大家都係香港電影一份子，如果話係對手好似有對敵嘅感覺。」問青雲最喜歡哪一套電影？他笑言：「中立啲當然係《爸爸》。（許冠文是最大勁敵？）許冠文係我好尊重嘅電影工作者，係喜劇泰斗，拍好多喜劇，有好好成績，轉拍《破．地獄》做得好出色又賣座。唔好講最強對手，我好難同佢比較，佢係電影界大大大前輩，我係後後後後輩。」
相關新聞：金像獎2025丨 《爸爸》一家四口獲三個提名 劉青雲喜出望外 鄧麗欣首被提名女配角有呢個感覺
劉青雲笑言票房不及黃子華
對於黃子華未能入圍角逐影帝，青雲戥對方可惜，他又稱讚子華演得不錯，「但呢個係選擇問題，佢絕對有機會再提名。佢係前無古人，後無來者，我拍咁多電影加埋（票房）都冇咁高……講笑……有嘅！」問青雲會否希望《爸爸》一家三口同得獎？他表示希望，所有電影工作者都盡好大努力。
相關新聞：60歲影帝殘爆遊曼谷！無懼泰國爆誘拐案拖老婆恩愛出巡 面上一部位出現凹陷
劉青雲有信心奪《亞洲電影大獎》最佳男主角
劉青雲與許冠文同時入圍《亞洲電影大獎》的「最佳男主角」，青雲表示：「好榮幸，對自己有信心，如果對自己冇信心，就唔可以要求人對你有信心。但點樣釋放信心……唔可以驕傲，但如果攞唔到獎俾人問又點答呢？係要思考。所以無論結果點都對自己有信心。」他表示有不同國家演員角逐，入圍的演員都具水準。
