網上點餐平台愈趨普及，市民可隨時叫外賣，惟外賣員的質素良莠不齊，被人批評「零監管」。近日有一名女子於社交平台Threads分享一段令人不快的Keeta外賣經歷，指外賣員私下索取貼士不果後，竟將外賣棄置地上洩憤，更留下「請萬用」的字句，似乎有意挑釁。不少網民認為外賣員的行為極不專業時，一名自稱是涉事的外賣員竟在帖文留言「解釋」，聲稱事件有「少少誤會」。
事主在帖文中表示，自己昨晚（27日）透過Keeta平台訂購外賣，其間收到外賣員的訊息，要求給予貼士，但她沒有理會，未幾便收到平台的通知指外賣已經送達，「外賣仔冇撳門鐘，將成袋外賣當垃圾咁掉咗落地下，搞到成地汁就直接走人。我收到Keeta顯示已送到之後先開門見到，同時仲收到個外賣仔句『請萬（慢）用』嚟挑釁我。」
根據事主上載的相片所見，她訂的外賣被人隨意棄置地上，湯汁灑滿一地，根本無法食用。事主隨即向Keeta客服投訴，但客服僅表示願意賠償30元代金券，不肯全單退款，更要求她逐項檢查外賣，並拍照證明哪些食物已倒瀉，才能獲得賠償。
客服初時僅願賠30元代金券 其後承諾全單退款
事主與家人與客服爭論長達一個半小時，最終客服仍拒絕全單賠償，僅表示將在1至2個工作日內透過電郵通知最終結果，令她感到無奈。至今日（28日），事主指負責處理投訴的經理已經與她聯絡，並向她道歉及全單退款，之後更賠償一張100元的代金券，「佢話代個外賣仔同個客服向我道歉，之後會再培訓個客服，我問佢咁個外賣仔點處理，佢話已經幫我block咗個外賣仔，令佢以後冇得再接我嘅單，而且Keeta唔允許外賣員主動向客拎tips，所以佢哋會警告個外賣仔」。
不少網民紛紛表示，外賣員的行為極不專業，甚至指Keeta「愈做愈差」，「上次送漏餐畀哂相，客服都不停話餐廳冇接聽電話確認唔到漏餐情況，叫我自己返去餐廳對質同拎現金退款」、「成個行業俾佢搞彎晒」、「賠全單真係好基本，你唔係覺得個客應該喺個膠袋度到返啲湯出嚟食埋個外賣呀嘛」、「超過份」。
涉事外賣員道歉為「搲貼士」解釋
正當網民熱烈討論時，一名自稱是涉事的外賣員在帖文內留言，聲稱事件有「少少誤會」，並向事主道歉，「我知所以將到外賣擺喺地下係因為你嗰袋嘢有6個餐，如果擺喺門上面隨時會直接跌落嚟倒瀉/爛曬，所以先退而求其是擺喺門口嘅地下，至於灑漏嘅狀況，我不得不承認我亦都係有責任，我知道我喺送遞嘅途中應該全力保護餐點，令去唔好受損，呢方面係我做得唔好」。
其後外賣員再就「搲貼士」一事解釋，聲稱自己是「步兵」，餐廳位於油塘，要將外賣送到事主家中，需要乘搭港鐵，「我呢一張單計埋補貼都大約於40蚊，減返地鐵來回將近十蚊嘅車費，一個鐘我淨係搵到30，所以我問一問睇下可唔可以…減低損失…希望你可以明白」。不過，事主認為他的解釋並不合理，「你完全冇撳過門鐘，我亦從來都冇要求過叫你唔好撳鐘，所以你唔撳鐘就直接將袋外賣『擺』喺地下，而唔係直接交到我手上嘅理由係完全唔合理⋯」。
