商場的「商戶專用」廁所卡一旦遺失，往往需付款補領。有快餐店為免客人借用時大頭蝦丟失，使出土法巨無霸妙計，把廁所卡包成餐牌般大，希望萬無一失。
相關閱讀：廁所地下有「金」執 打工仔嬲爆影相示眾 清潔工呻：呢個位都執過
土法防遺失商戶專用廁所鎖匙逐張睇 ＋ 網民力撐↓↓↓↓
網民：商戶補領匙卡隨時過百元
樓主早前在社交平台Threads以「究竟幾驚張廁所卡唔見先整到咁大塊」為題發帖，上載拍卡開廁所門的短片。樓主在留言欄補充「個（快餐店）收銀姐姐俾我嗰陣我都以為佢俾本menu（餐牌）我，load（思考）咗幾秒」。
片中見到廁所卡貼著大字告示，提醒使用完畢請交回的字樣。大過塊面的鎖匙卡雖然造型搞笑，但網民大都明白商戶扭六壬保著匙卡的做法——「通常呢啲長嘅廁所卡係要俾錢買，仲要講緊係$100甚至貴過$100一張，三唔識七嘅街客拎走咗，公司要自己嘔錢買㗎」、「因為借俾你係免費，但唔見咗就佢俾錢，講真張卡肯定貴過一餐飯」、 「同商場講，商戶補一張隨時$100以上」。
相關閱讀：公屋廁所污水倒灌浸全屋 鋸喉驚見呢兩大嚿嘢 遠看像動物皮毛
土法防遺失商戶專用廁所鎖匙逐張睇 ＋ 網民力撐↓↓↓↓
大塊放唔入袋解決問題
網民續指「真係好多傻豬豬順手放落袋之後唔記得還」、「咁大張都係費事有人順便袋走鎖匙，可以理解及接受」、「因為去廁所會無手，所以會唔為意袋咗入褲袋衫袋，跟住就會唔記得咗拎走埋。整咁大塊就放唔到入袋 」，於是有人講述所見所聞——「以前返工嗰度，個鎖匙扣嘅牌有15cm咁長，都俾人拎走過」、「我嗰邊試過條廁所鎖匙，俾病人拎走咗成半年，覆診先還番」。
有人接著分析指「唔見咗都可能要成幾舊水補卡呢個都未必係問題。最重要補卡仲要等先係問題，嗰段時間點開門去廁所？」、「你估下佢唔見第幾張先搞到咁」、「好些荒謬嘅做法在很多時候都意味著背後都發生過一些荒謬嘅故事」。
土法防遺失商戶專用廁所鎖匙逐張睇 ＋ 網民力撐↓↓↓↓
網民盤點土法防遺失大法
除了餐牌咁塊大的廁所卡外，網民排隊提供大量妹仔大過主人婆的土法防遺失大法，其中有人轉載一段以「公司女廁鎖匙牌太巨大，從此冇人借鎖匙去廁所！解決煩惱！」（即刻唔去廁所）為題的短片，展示一間疑似夾公仔鋪誇張地以摺椅作鎖匙扣，椅邊扣著一把小小的鎖匙。
其他網民還見過的五花八門就地取材的防遺失鎖匙扣↓↓↓↓
•公司男廁：啞鈴作鎖匙扣、
•「酒家廁所匙」：湯漏作鎖匙扣、
•「我以前做個間珍珠奶茶用煲蓋」、
•「我做嗰間老人院用A4拉鏈袋扣住條key（鎖匙）」、
•「試過見到連住張A4硬卡紙；中醫診所連住個藥樽」、
•「之前陪屋企人睇醫生，呢個係嗰個診所嘅廁所卡（磚？）」、
•「我上次做facial（美容），間facial女廁匙扣係用A4 紙直接過膠」、
•「鎖匙係長鍊跟住個500ml噴霧樽，入面有100零ml（毫升）酒精」、
•「曾經公司廁所鎖匙成日俾人袋喺褲袋唔記得還，所以鎖匙扣變咗把鉸剪，即刻解決咗問題」、
•「舊公司要經常借toilet key（廁所鎖匙）俾客；n（好多）年前，匙扣係個空嘅正方形月餅盒」。
相關閱讀：網盛傳「廁所泵」可「無匙」開車門 專家指可行難防範 網民：車主惡夢
網絡早前盛傳可用「廁所泵」來「無匙」開車門，惹來網民熱議，擔心偷車賊仿傚，車主人人自危。港版「神探伽利略」、英國機械工程師學會院士盧覺強向本網表示，有關方法確實可行，而且車主無法防範↓↓↓↓
