許廷鏗（Alfred）在2009年參加第一屆《超級巨聲》奪「最強人氣獎」而入行。當時除了許廷鏗歌藝了得外，他的牙醫身份同樣受到關注。許廷鏗入行前於港大牙醫學院修畢學士課程並取得牙醫執照，多年來一直雙職發展。
日前有網民於Threads撰文，表示最近洗牙時獲一位明星幫他洗牙，並大讚其手勢不錯，雖然這網民未有開名，不過已經有人猜測該名牙醫是有「牙醫歌手」之稱的許廷鏗，紛紛於留言區討論。
相關閱讀：36歲許廷鏗驚爆肝臟出事竟驗出XXX TVB爆肌小生曾同病相憐指數過高恐會患肝癌
日前有網民於Threads貼岀牙科診所的照片，寫道：「我尋日去咗間慈雲山牙醫洗牙，係一個明星/歌星幫我洗ge，名就5開啦（想知留言私訊講）佢都可能想低調啲因為門口有塊牌係最底係無名ge，佢其實手勢不錯，洗牙無整痛我，之前有啲真係洗牙個牙醫洗到好似搏鬥咁，真係好鬼痛，佢洗嘅整個過程都好gentle，可能真係明星洗牙會過得快啲，好似好快就洗完。」
許廷鏗是牙醫是眾所周知的事
事件隨即引起網民討論，雖然有人笑稱許廷鏗是牙醫已經是眾所周知的事，不過依然有不少人加入討論行列，有人說：「我覺得佢好犀利，佢可以堅持都做牙醫同埋歌手，同埋佢做咗牙醫咁耐都唔會話門口成日有fans。」、「以前傳佢做咗歌手後就冇做牙醫架，原來一直有做？btw，細個幾鍾意佢，唱歌好聽，形象又幾好，但上唔到最top。」、「佢根本就是富二代，佢老竇話如果你要唱歌發展就要喺大學讀一個專業技能，許就揀咗牙科，讀書都好有料，唱歌好好聽，不過近排消聲匿跡咗？」
許廷鏗洗牙的收費勁抵
後來亦有人問到找許廷鏗洗牙的收費如何？出PO的網民說：「$800」，接着有人說：「醫生洗先$800好抵。」、「許醫生係好好，我細嗰時箍牙，可能知我學生哥冇乜錢，佢係收平過出面畀我，度度收我3萬，得佢收我2萬頭。」、「6年前walk in畀佢洗過，雖然帶住mask，但見到佢對眼。」 、「之前有報道話過許牙醫每星期仲有一日返診所睇症，keep 住做，手勢唔會退步，可能辛苦少少，但其實好好。」
相關閱讀：許廷鏗激罕晒溫泉相出現神秘黑三角 網民為求「睇真啲」個個放到起晒格
許廷鏗阿嫂曾經是𡃁模：
許廷鏗當牙醫是受叔叔影響
原來許廷鏗當牙醫是受叔叔的影響：「細叔係香港大學第一屆畢業嘅牙科醫生，我都要多謝哥哥畀咗我好多意見，等我可以讀到心儀嘅科目，雖然做醫生嘅姐姐曾經話讀醫好辛苦，但最後我係成功咗。」事實有不少人不相信許廷鏗到現在還在做牙醫，甚至連他自己也不敢相信，但他堅持雙線發展多年，覺得平時做歌手就一直被保護得很好，可是做牙醫時，他反而可以實在地跟不同的人接觸，使他可以與人交流。他表示：「令原本不算主動的我，很容易打開話題盒子。」而且牙醫的工作，因為需要很細心，令許廷鏗認知到同理心：「當每個人追求數字的多，我反而追求認識的深度，能夠有一個空間給予治療，對我來說有種獨特滿足感，得到一種心靈治療。」
