黃大仙橫頭磡邨宏德樓早前懷疑有賊人踩線，不但匿藏走廊暗角試圖尾隨住戶入屋，及後的日子更在屋外徘徊。事主在網上曝光事件，苦口婆心地給街坊作出忠告，並自爆應對方法。
相關閱讀：天眼直擊低炒鐵閘 長沙灣神秘人公屋走廊戶戶影 網民估做緊呢樣嘢
陌生男匿公屋走廊暗角逐張睇 ＋ 網民人人自危↓↓↓↓
樓主：進出家門時注意周圍環境
樓主2月初在facebook群組「我們都是在橫頭磡長大的」以「注意安全！」為題，上載附有標示的相片講述情況——
「1月24日傍晚，我父母回家時發現一名陌生男子藏身於走廊暗角，試圖尾隨進屋，幸好即時關門避免事故發生。提醒各位街坊：
•進出家門時注意周圍環境
•隨手關門，避免陌生人尾隨
•如有可疑情況，立即報警
•請大家提高警覺，保障自己和家人的安全！
•橫頭磡邨宏德樓」。
根據樓主在相中的標示，陌生男子所匿藏的位置，前行十多步便到達大門前。
相關閱讀：湖景邨瘦削男走廊徘徊 天眼直擊疑鬼祟做一事 街坊一聽即心寒～
陌生男匿公屋走廊暗角逐張睇 ＋ 網民人人自危↓↓↓↓
網民驚訝：真定假，咁猖狂
回應的網民關心樓主的後續行動，有人先行估計「呢啲擺明咁大膽做入屋行劫」、「佢睇中宏德樓可以兩邊走」、「你嗰座兩座通呀」。有人接著詢問「冇即時通知保安？好多老人家冇咁警覺」，樓主於是回覆「無，但有寫電郵通知房署及樓下區議員」。
對於留言欄有網民留言「真定假，咁猖狂，有冇查清楚有冇誤會？」就事件作出質疑時，樓主回覆強調「真的， 住咗呢個單位接近40年， 父母早已同左鄰右里相熟」。
樓主續稱「今日（2月2日）另一位家人也見到門外有陌生男子， 好擔心屋企成為目標」；「我爸爸見佢行前想跟入屋， 我都唔知係唔係想入屋打劫。但2號又俾另一位屋企人見到有陌生男子在屋外徘徊，搞到我哋有啲驚！」。
相關閱讀：竊匪疑盯上屯門新入伙公屋 門外踩線可疑記號戶戶有？ 實情原來係咁
樓主講述後續行動
由於樓主有通知樓下區議員，在詳述各方面的後續行動時指：
「感謝樓下的陳偉坤區議員安排，警方嗰邊打咗電話俾我。佢話嗰個人都似喺踩線嘅，佢叫我阿爸同阿媽或者屋企任何一個家庭成員見到呢個人即刻報警，不論佢有沒有任何行動都好，佢哋會即刻派人過嚟了解吓呢個人嘅身份。佢叫我哋唔好覺得尷尬，只不過係了解依個人嘅身份，唔好等有事發生才報警」；
「佢有問該陌生人嘅年紀及打扮，仲話報咗警就會派警車過嚟兜截， 希望能查明該人士資料。聽咗好感動，感覺佢哋真心幫我哋！我好驚屋企給咗壞人嘅目標」。
細看樓主的情況後，另有醒目的網民建議「有啲乜嘢下次唔好入屋，大嗌火燭，快啲走」。
相關閱讀：皇后山邨鐵閘疑有「踩線」記號 街坊面青：我家都有個「Ｃ」字
相關閱讀：年近歲晚粉嶺公屋踩線？ 黑衣男咳住亂按門鐘 街坊：㩒咗Ｘ個單位
