青衣公屋出現擲物狂，懷疑亂丟「針筒、用完安全套、洗頭水樽、用過嘅女士用品……寵物尿墊」，部分垃圾擱於下層住戶的晾衣架上，讓鄰居不勝其煩。
居長康邨的苦主早前在facebook群組「青衣街坊吹水會」上載相片發帖訴苦，指「即係咁，（長康邨）康Ｘ樓Ｘ座20以上嘅缺德住戶，如果屋企冇垃圾桶嘅話，我可以送一個俾你，如果你行動不便嘅話，我都可以送張電動輪椅（中國製）俾你，等你攞出去掉垃圾桶都方便啲。#已經唔係第一次 #講得出嘅垃圾都有執過 #好想房署快啲裝閉路電視」。
相中見到在開揚景觀映襯下，晾衣架上擱有一大塊泛著黃色污漬且仍然濕漉漉的尿墊，窗邊還有一疊疑似空降的報紙。
相關閱讀：西灣河豪宅仙女散花 開窗丟足20分鐘玩具零食 呢樣嘢滿天飛
公屋擲物狂逐張睇 ＋ 網民眼火爆↓↓↓↓
樓主：晾衫出窗口轉頭就有垃圾
回應的網民驚嘆「尿片又過分喎」，有人更自爆「我嘅晾衫架，都接過一大袋包好咗嘅垃圾，有一次仲要係一塊全部都係血嘅衛生巾，我叫管理處上嚟幫我清理」。
對於網民的不少留言，樓主也親自回應↓↓↓↓
•網民：「塊尿墊似有養狗嘅！」、
•樓主：「針筒、用完安全套、洗頭水樽、用過嘅女士用品，今次第N次嘅寵物尿墊」。
•網民：「我喺你樓下，試過中一袋廚餘」、
•樓主：「我呢家成日被人屈，話係我呢家倒即食麵湯落街，其實我都係受害人，次次晾衫出窗口轉頭就」、
•樓主：「我記得好多年前，有日下午，樓上係掉咗幾袋垃圾，其中一袋中咗我隔籬屋個熱水爐散熱個舊嘢，仲要整爛咗，幾驚會漏煤氣呀」。
•網民：「常有，一到夜晚就飛紙巾落街……」、
•樓主：「有火嘅紙巾都試過」。
•網民：「有冇通知辦事處叫保安員到訪影相拍片以作記錄，日後區長會在大堂刊登告示邊個座向單位掉垃圾，如收到多個住戶投訴，會好快加裝天眼鏡頭」、
•樓主：「已經通知咗，佢話星期一會同康Ｘ個主任講，再處理」。
相關閱讀：將軍澳街坊高空擲「飯」疑餵雀 路人險「中頭獎」鬧爆
公屋擲物狂逐張睇 ＋ 網民眼火爆↓↓↓↓
網民上載地拖頭「空降禮物」相片
•網民：「其實唔止公屋，聽過豪宅都係一樣」、
•網民：「一係有精神病，一係細路，一係飲醉酒，一係心理變態， 一係老人痴呆」、
•樓主：「淨係知好煩，唔知幾時又要執金」、
•樓主：「希望佢屋企人都有喺呢個谷到，睇到麻煩睇實屋企人，教育下咩叫公德」。
呼應樓主的送電動輪椅留言，有網民估計「樓上事主殘廢丟不到垃圾去垃圾房啩」；另有人建議「拆埋個晾衫架」。說到最後還有彩蛋，另有網民上載自家晾衣架上的「空降禮物」——「今日地拖頭」，樓主似乎也知道背景，留言回應：「你嗰面方向一直都係重災區」。
亂拋垃圾可扣7分
根據房署的「屋邨管理扣分制」（https://www.housingauthority.gov.hk/tc/public-housing/estate-management/marking-scheme-for-estate-management-enforcement/index.html），高空拋擲破壞環境衞生的物件、亂拋垃圾、胡亂棄置垃圾，可扣7分；而高空拋擲可造成危險或人身傷害的物件可扣15分。
房署並提醒，租戶高空拋擲可造成嚴重危險或人身傷害的物件會被終止租約，房委會會引用房屋條例發出遷出通知書，終止其租約。
