有港男在尖沙咀一間居酒屋，以$1888訂了一盆盆菜，年初三送到，誰料開始煲已聞到燶味，事主將食材全部取出，發現底部暗藏托格，托格及盆底均已焦燶，他向店方投訴，對方竟態度無禮，「佢話我哋自己煲燶嘢關佢哋Q事？」「年初八先至啟市，做咩阻住佢放假？」
事主在「香港盆菜關注組」FB專頁發帖，詳細申訴新春買盆菜的嚴重中伏經歷，與及被店家不禮貌對待的情況，如下：
尖沙咀居酒屋疑賣$1888「燶底」盆菜 被投訴斥苦主：「仲咩阻住我放假？」↓↓↓↓
事主表示， 因為「某個媽媽KOL」的介紹，他今年向尖沙咀一間居酒屋訂了一盆盆菜，價格$1888。年初三滿懷期待，「點知嚟到，已經冇畀個和牛，點知開始煲盆嘢無耐，已經聞到燶味。」
他們將全部盆內食材拿起後，發現「奇怪個底已經有個格」，事主拍下照片看到，盆底及該格均有一大片黑色焦燶。事主指出：「煲嘢都未滾起就已經燶到咁黑？」懷疑居酒屋出貨時，已經有焦燶情況。
當時已晚上7時左右，他致電涉事餐廳，「完全冇交代，完全想不負責任，淨係不停話俾返個牛肉錢，話啲餸喺廚房拔出嚟，唔關佢哋事。」
同場加映：港連鎖快餐店「盆菜」廣州急凍運港？貨疊貨照片疑露玄機 網民：今日先知：↓↓↓↓
事主反駁：「但係真心個底點會咁樣燶法？我哋一路煮煲嘢都未滾，點會已經燶咗，仲要係個底同個格都有，應該係廚房冇留意黐住咗啲嘢，真係極度失望。」當晚他們只好「自己買雞湯去煲返啲有燶味嘅餸，又唔敢俾小朋友食」，非常狼狽。
他其後再向餐廳的「寫字樓職員」投訴交涉，事主指，餐廳曾指該「寫字樓職員」是負責人，但該職員卻自稱客服，亦拒絕提供姓名。他引述該「寫字樓職員」回覆的對話，非常不禮貌，首先，事主投訴盆菜燶底，「佢話我哋自己煲燶嘢關佢哋Q事？（佢個說話真係咁講）」
問到如何賠償，「佢話我哋已經食晒啲嘢點賠俾我哋？」事主引述該職員又說：「佢話佢哋年初八先至啟市，做咩阻住佢放假？」事主問該「寫字樓職員」名字，「佢話佢叫咩名關我Q事？」「然後講講吓電話cut個客嘅線，其實係咩玩法？」事主批評：「其實如果係話唔到事……如果做客服可以cut人線嘅話真係好恐怖，真心今時今日香港做生意環境已經咁困難？真係要咁樣咩？」
無和牛 店家允賠$359
事主其後又發現，該居酒屋同一款盆菜在一個網上平台只標價$1399，但卻收他$1888，由於食材沒有原先承諾的和牛，該店允賠$359，「咁其實都收多人客$130。」他批評該店的銷售手法，呼籲網民小心不要中伏。
帖文引發熱烈迴響，有網民指出，事主在居酒屋買盆菜已經愚蠢，「居酒屋買中國傳統盆菜……會唔會本身就係一個錯，即係好似去齋舖，要食日本和牛咁。」事主亦留言認同：「你啱」「講得好啱」。事主當日因聽信網紅推介光顧該居酒屋盆菜，結果中伏，有網民表示：「KOL啲野都好信，佢哋九成都係收錢賣廣告。」
網民：居酒屋買盆菜……會唔會本身就係一個錯
有網民批評該居酒屋「係衰格在冇品」「燶唔燶真係死無對證」，懷疑事主是自己煲燶，非關店家事，「因為佢啲嘢食係煮熟晒先放落去」，但事主回應表示：「但係未滾已經煲燶？」有網民亦撐事主：「（餐廳）有機會出貨先翻熱過嚟。」
部分網民指光顧該居酒屋亦曾中伏，建議事主向消委會投訴：「呢間連堂食都伏。」「新年燶盤菜真嬲。」「嘢食唔得已經死，仲要態度都咁差。」
同場加映：大埔燒臘店疑靠「砧板擋」出蠱惑 $263燒味過年開盒中大伏：↓↓↓↓
