天氣反覆，有時最低溫度仍貼近10度，新界溫度可能更低，想減低生病的機會，有甚或保暖方法？近日《星級大搜查》訪問多位明星，請他們分享「獨門保暖方法」，得到不少有創意的答案。此外，我們亦請來節目《潮什麼》系列的主持、旅遊達人梁芷珮接受禦寒大挑戰。
明星保暖大法創意無限
《星級大搜查》訪問多位藝人、明星的保暖方法。懷孕中的王君馨分享她的保暖秘訣，她笑指：「我嘅保暖秘訣就係有呢個BB，因為我就好似個暖爐、發熱機咁樣。搵啲孕婦嘅朋友，揸住佢哋隻手，都係一個保暖嘅方法！」許靖韻自言是不怕冷體質，平時都沒有保暖的習慣，因此不易覺冷，她因為一次壞熱水爐的經驗，令她驚覺原來用凍水洗澡，反而可令身體更暖，許靖韻表示：「凍水沖涼！發現佢都係一個獨門保暖方法，因為你個溫差冇咁大。但我覺得大家千祈唔好試！有啲人體質沖啲冰水涼或者凍水涼，其實可能對於佢哋有啲痛嘅位，會突然冇咁痛囉！」陳庭欣更力推用「呃自己」方式，希望可以令體溫上升，她說：「只要你思想上話畀自己聽，存在喺一個好熱嘅沙漠，無論去到幾凍、着衫着得幾少、件晚裝幾咁性感，我哋都冇有怕！」
相關閱讀：唐詩詠麵包店被嫌貴 33 Cubread VS 人氣麵包店價錢逐個睇 直擊市民狂掃3百多元麵包
明星公開獨門保暖方法：
明星力推保暖食物
梁競徽除了分享睡覺要穿襪防寒氣由腳板入體外，他亦分享有助升溫的食物，他說：「能力好嘅咪食下冬蟲草囉！一般啲就經常將枸杞、西洋參、紅棗用嚟焗水飲，好快你就會睇到你嘅改變。」沈震軒指大家在冬天可以吃多些澱粉質，「食到自己個肚好飽，你就會全身都好暖，當然記住要做返多啲運動啦！」導演彭發則推薦大家吃羊腩煲，「因為離開咗香港，就算食到都唔係嗰隻味道，希望大家喺香港想保暖，試吓食多啲羊腩煲。」
相關閱讀：2024叱咤十大歌曲冇人識？街頭「接歌」大挑戰 學生驚訝姜濤得獎：唔太好聽
許冠文「父女」靠浸腳
許冠文喜歡焗桑拿強身健體，「我好鍾意做桑拿，去做桑拿谷到行晒，出晒汗跳落啲凍水度，咁個人就覺得好fit、好生猛咁。」他在《破‧地獄》中與衛詩雅飾演父女，原來現實中，他們都有浸腳保暖的習慣，許冠文表示：「我而家年紀大啦，我而家好怕凍，成日隻腳凍……我保暖方法就係臨瞓前盡量浸熱水，浸一浸熱水瞓覺會好好多。」衛詩雅同樣愛用熱水浸腳，不過要加中藥包，「臨瞓之前我對腳會浸暖水，將中藥包擺入暖水度一陣，跟住再浸。我覺得對身體好啲，面色都好啲。」
貼暖包各有支持者
林夏薇與張曦雯都有貼暖包的習慣，林夏薇說：「天氣變凍黐暖包，因為個人暖咗自然好多嘢就更正能量。」張曦雯則認為女星的衣服有時比較少布，不能穿外套時，貼暖包就非常方便，「全身黐晒暖包，我喺啲大家望唔到嘅地方度都貼咗暖包。」而車婉婉則不愛貼暖包，「我哋呢啲着到咁貼呢，黐暖包就好覺，（感覺）有少少上年紀咁啦！」她認為最重要是令頸部保溫，「最緊要封住條頸，因為暖咗呢個位，個身其他位就唔會覺得好凍，我勸大家點樣都要搵啲嘢繞住呢度（頸）。」男子組合OneUp成員方智弘都認為頸暖好重要，「我最鍾意着樽領，因為我一凍親條頸，我就會好易病，大家着樽領就可以預防冬天時感冒。」
尹光靠羊毛衫打底
不少明星都認為，衣服夠厚就最暖，對穿衣亦很講究，尹光表示：「入面着住啲暖衫、羊毛衫，出面着西裝、着裇衫、T裇都保暖咗。唔好成日坐，記得起身郁吓都好嘅，個人就冇咁攰同埋精神啲。」林奕匡指冬天最重要是用分層式穿衣法，「多啲layer，容易除到嘅layer，有時嗰啲可以笠過頭好唔方便，通常有拉鍊就容易除，入到室內又暖返，要除得到先得。」吳若希即場展示自己的衣着，並趁機向公司示愛，「望下我先！頸巾啦、大褸啦，同埋毛毛拖鞋！將家嘅感覺搬過嚟返工地方，我好熱愛TVB！」
相關閱讀：星級大搜查｜00後不知何謂賀歲電影？ 賀歲片經典對白街頭挑戰賽 劉德華、張國榮金句深入民心
梁芷珮保暖大挑戰裝束如何？
梁芷珮保暖大挑戰
旅遊達人梁芷珮（Christy）接受《星級大搜查》禦寒大挑戰，今次考驗她面對三種不同溫度，她配搭的保暖裝可以令她的體溫上升多少度。今次分別要她襯出面對10℃至15℃、0℃至10℃以及0℃或以下的保暖裝。《星級大搜查》今次要梁芷珮穿上三套保暖裝，在氣溫為13.3℃的戶外下，只要她體溫上升會算挑戰成功。
梁芷珮接受挑戰前的體溫為35.1℃。她先換上第一套以抓毛絨材質衣物為主的保暖裝，在戶外逗留15分鐘後，梁芷珮的體溫上升至35.3℃，即上升了0.2℃。梁芷珮表示，這身裝束適合在香港冬天時穿着：「有一件底衫，緊身少少嘅羊毛、棉質（底衫），面頭直接就穿一件抓毛外套。咁我可能會揀啲有時尚感嘅褲，但內裡有乾坤，就係抓毛絨。咁鞋就冇話特別要防雪防跣或者有棉嗰啲（鞋），普通一對波鞋就已經搞掂！」
相關閱讀：啟德體育園演唱會｜啟德主場館開5萬人演唱會 哪位歌手期待值最高？ 張敬軒、炎明熹被點名
梁芷珮用於10℃至15℃氣溫保暖裝：
‧上身底層：羊毛/棉質底衫
‧上身外層：抓毛絨外套
‧下身：抓毛絨牛仔褲
‧襪：薄棉襪
‧鞋：普通波鞋
發熱內衣正確穿著方法
第二題是假設要面對0℃至10℃的氣溫，梁芷珮隨即換上第二套保暖裝，她的體溫由35.3℃上升至35.9℃，即上升了0.6℃。這次重點是加上發熱內衣做底層，梁芷珮表示：「呢個裝束，我諗大概5度等單位數溫度或者負幾度都著得。一定要一件好緊嘅底衫，可能係一些功能性內衣，即係有發熱底。記住一定要着喺最底，如果着件背心或者入面着件冷衫先着呢件係冇用嘅，因為呢個係靠你人體熱度發熱。」她在發熱內衣外加一件抓毛絨長袖上衣，以及防水、防風外套。下身亦穿上兩條褲，包括底層的貼身發熱褲及外層的防風、防水褲。她表示：「其實5度以下我都一定會着兩條褲架喇！無論我入面係着啲絲襪又好、緊身Legging都好，或者呢啲功能性的褲也好，我都覺得一定要穿兩條褲。5度以下有機會落雪、落雨，我面層都會着返一啲防風防水跣水嘅褲。」
梁芷珮用於0℃至10℃氣溫保暖裝：
‧毛冷頭巾
‧薄尼龍質料頸巾
‧上身底層：發熱功能性內衣
‧上身中層：抓毛絨長袖上衣
‧上身外層：防水防風外套
‧下身底層：貼身發熱褲
‧下身外層：防風防水褲
‧襪：薄棉襪及抓毛絨襪
‧鞋：夾棉跣水防滑雪靴
羊毛材質鎖住體溫
到最後一題，是假設梁芷珮要面對0℃或以下的氣溫，她換上第三套保暖裝後，體溫由35.9℃上升至36.2℃，即上升了0.3℃。梁芷珮指，這身裝束她在北京負40度氣溫下拍攝《冬奧潮什麼》時也穿過。她說：「就算你點着，講真！你去到負40度嘅溫度，你都唔可以喺出面逗留得太耐，所以都係間歇性出入。咁最緊要都係發熱內衣，然後穿冷衫或者羊毛冷衫，因為我覺得羊毛真係好暖，佢會幫你焗住你嘅溫度喺身體入面。」
梁芷珮建議，怕冷的人可以再加一件衛衣或薄羽絨在中層，才穿上厚外套。而下身她選擇穿上貼身發熱褲及防風防水褲，加上羊毛襪、冷帽、兩對手套及含發熱層雪靴，梁芷珮更出動世一最暖材質頸巾，「呢個頸巾我喺格陵蘭買，佢用麝牛嘅毛去做，係非常暖。佢哋（當地人）聲稱全世界最暖就係呢個材質。感覺穿上去，直情成條頸好似會發熱咁。」結果，梁芷珮在穿上三套保暖裝後，體溫都有上升，可見挑戰非常成功。
梁芷珮用於0℃或以下氣溫保暖裝：
‧麝牛毛頸巾
‧冷帽
‧上身底層：發熱內衣
‧上身中層：羊毛冷衫
‧上身外層：厚長羽絨
‧下身底層：貼身發熱褲
‧下身外層：防風防水褲
‧襪：羊毛襪
‧手套：毛冷手套及防水手套
‧鞋：含發熱層雪靴
梁芷珮不用暖包有原因
梁芷珮分享三套保暖裝都不見她拿出暖包，原來她並沒有貼暖包在身上的習慣，梁芷珮表示：「你唔知個暖包會發生咩事，如果突然爛咗或者你突然好想拎出嚟，喺戶外好凍，要除晒啲嘢拎出嚟，咁你會好麻煩。」所以與其貼多個暖包在身上，倒不如學梁芷珮穿得更暖。你有沒有保暖秘技？不妨留言分享！
