喺名人圈中一直有個交換女朋友嘅遊戲，「高佬」一早相中「鬼妹」覺得好合眼緣。之前「鬼妹」畀「大隻」?完唱，搞到遍體鱗傷，難得有「高佬」呢類世家子睇中，對方係富三代，外型高大俊朗，又有才華，自然以為自己嘅衰運行完。
相關閱讀：星8卦丨「古惑」愛滾「大婆」心水清每年計數 互相尊重高人夫婦
跟住「高佬」享受富豪式生活一排，「鬼妹」以為自己有機會做埋老婆，但「高佬」只係每晚帶佢出去同一班有錢仔食飯，之後就豪賭，奇在晚晚好大上落，所有有錢仔明明有老婆都係只帶女朋友出嚟一齊玩。
玩咗幾個月之後，呢幾晚「高佬」手氣未試過咁差，結果嗰晚輸到某個數，「高佬」就同「鬼妹」講：「你今晚留低，因為你就係我嘅賭本，你負責招呼真正大贏家。」呢個時候「鬼妹」終於明白每晚點解,剩係有女朋友出現，原來大家都係要代男友肉償。
相關閱讀：星8卦丨「阿太」被老爺揀選嫁好人家 難頂小三小四騷擾情緒出事
「鬼妹」之後招呼咗好幾個大贏家，亦明白冇得揀，但好快就同「高佬」提出分手，仲話跟佢呢段日子得到嘅好處已經還咗幾倍畀佢，從此倆不相欠。「高佬」雖然對「鬼妹」唔捨得，但明白中間有啲咁嘅關係，亦唔可能娶返屋企，惟有各行各路，從此老死不往來！
