現年45歲的Bob林盛斌，一直百足咁多爪，除為電視節目主持、DJ、演員之外，更加踩入商界，成為時裝店及娛樂製作公司老闆。另外他近年成為香港的金牌司儀之一，有傳其司儀騷平均每場收六位數字的酬勞，最高紀錄試過一年接下過百場！林盛斌一家六口2022年搬離九龍塘四層獨立屋，再搬到同區更大的豪宅，證明林盛斌越撈越掂。他今年更自家生產長銀包，送予圈中好友，因為他深信用長銀包可以致富！
林盛斌送長銀包兼冇銀碼支票
昨日（28日）C君鄭詩君更新IG，入面見到一個白色長形銀包，上面有一個由4個B字組成的Logo，他寫道：「今年有Bob爺嘅長銀包，仲唔風生水起～」而銀包之外，還有一張沒有寫上銀碼的支票，C君亦隔空問林盛斌：「張支票咩玩法？係咪想俾我寫個銀碼上去？」原來銀包和支票均由林盛斌贈予，林盛斌在下面回覆：「記得喺張支票上面，寫你個名，寫一個你想搵到嘅錢，同埋寫一個你想搵到呢個錢嘅日期，跟住簽名，然後將個支票放喺銀包」。
相關閱讀：Bob林盛斌揭曾因太寸嘴被「接放學」圍毆 一度埋怨社會：好多人想你死｜與天地對話
林盛斌長銀包運財運法曝光：
林盛斌一直深信，用長銀包可以致富，早年就曾分享「長銀包旺財運法」，並列出使用九大要點：「1. 請你馬上換一個長銀包；2. 最好係要名牌，貴少少嘅；3. 唔好用就咁對摺嗰啲，要有扣或者有拉鍊嘅；4. 將所有紙幣面值順序放好兼同一方向排列；5. 唔好放散紙神沙；6. 唔好放任何單據；7. 經常 keep 住有多少少錢喺銀包；8. 經常保持你個銀包乾淨同整潔；9. 好好對待每一張放入你銀包嘅銀紙。」
林盛斌「長銀包致富」被瘋傳
林盛斌這個「長銀包致富論」火速被瘋傳，據他解釋，大概在8、9年前開始有這個習慣，銀包亦越換越名貴。他表示：「我發現自己財運真係有所提升，年收入亦不知不覺間一步一步多咗。曾經有一個好有趣嘅統計數字，你嘅年收入（當然未必絕對準確），大約係你銀包價值嘅200倍。信不信由你，反正我信了，亦實踐中！」他又補充：「我好認真想去分享，從呢啲致富嘅論點，其實係帶出一個對待金錢嘅正確態度，你愛錫個銀包，等於裡面嘅金錢住得舒服，金錢都會尊重你，再去吸引其他金錢，呢啲就係吸引力法則！」
相關閱讀：林盛斌又再做老竇？無預警下宣布「第五胎」出世 連名字都改好：絕對唔會失禮
林盛斌越撈越掂唔到你唔服：
