移英港人無糕過年 撐港店訂年糕多人疑被騙 苦主斥店家「大話冚大話」｜Juicy叮

港人呃港人？一批移英港人撐當地港店，訂各款年糕過年，懷疑遇騙，新春前夕仍未能收到，苦主斥店家無貨扮寄出，「一次又一次講大話」。

苦主坦言：「我一直都好支持香港人生意，但估唔到今次會中伏。」事主疑被騙詳情如下：

移英港人無糕過年 撐港店訂年糕多人疑被騙 苦主斥店家「大話冚大話」：↓↓↓↓

有移英港人近日在「英國香港人生活交流區」FB專頁發帖，申訴懷疑遭當地一間港人開設的店舖欺騙。涉事港人店舖位於曼城，主打香港中式甜品和懷舊小食，店家接受網購，郵寄英國各地。該店官網及社交平台標榜「來自香港」和「全人手做」，各款年糕如蘿蔔糕、芋頭糕等約為9英鎊（約87港幣）一底。

投訴懷疑被騙的事主指出，她在臨過年向該店訂了年糕、蘿蔔糕，打算送給親友，她在本月（1月）14日付款落訂，店方承諾會在20日寄出，寄出前一日(即19日)，事主甚至收到店方Whatsapp通知「明日寄出」。但是，事主一直未收到該批年糕，事主再Whatsapp聯絡店方，「佢（店方）話人哋冇覆佢，會整過畀我。」會在上周五（即24日）再寄給她。

結果所訂年糕又未收到，於是事主再聯絡店方，「我問（郵寄）單號，等我可以自己check 郵件狀況。」店方表示「10分鐘後覆我，結果係冇（覆）」。事主再追：「我半個鐘後再問佢，佢話同事搞錯，冇寄俾我，下星期一（即27日）再寄畀我。」

同場加映：港人英國開地產舖疑專呃移英港人 苦主收樓有異追查揭驚人真相：「佢哋食緊人血饅頭！」↓↓↓↓

港人英國開地產舖疑專呃移英港人 苦主收樓有異追查揭驚人真相：「佢哋食緊人血饅頭！」

英國「港人呃港人」醜聞？！地產舖被指以這手法連環詐騙？追查揭驚人內情…

一間由香港人在英國開設的地產公司，捲入多宗懷疑詐騙移英港人的醜聞。

懷疑涉及「港人呃港人」的事件，由「英國專業打假師」FB專頁，及「安迪工房」Youtube頻道揭發，引發大批網民關注。

事件在移英港人圈子引發關注熱議，多位移英港人亦留言，指懷疑曾「中過伏」。

「安迪工房」Youtube頻道，日前發片指，正協助一位移英港人，舉報一間「香港人喺英國開嘅地產公司」，涉嫌詐騙。

「安迪工房」指，英國警方已受理，並正由專責詐騙的部門調查。

涉事的地產公司，2017年成立，活躍於多個社交平台，其官方網頁，標榜團隊內有多名移英港人。

「安迪工房」透露，有不少移英港人懷疑受騙，「有好多（移英）香港人，都搵咗呢間地產公司，去處理（英國）樓宇買賣。」

但之後，「交易嘅樓，都不約而同，出現大大小小好多問題。」

這些問題，輕則漏水，重則涉及樓宇結構安全。

甚至有個案，樓宇內有「聞風喪膽嘅日本虎杖」，日本虎杖是聞名的樓宇殺手，若茂密生長，可令樓宇出現結構問題。

「安迪工房」綜合其朋友經歷，與及「英國專業打假師」FB專頁提供的資料，披露懷疑詐騙手法。

他指其中一名苦主，是他的朋友，已接近退休年齡，打算在英國買樓安享晚年。

一個月前，朋友透過涉事地產公司，在英國買樓。

該地產公司介紹了一名測量師，幫朋友驗樓及估價，收費約£700- £1200（約港幣$7,000-$12,000）。

驗樓報告出來，「呢份驗樓報告嘅評分，接近完美。」

但是，收樓後，「當準業主去到銀行做按揭，銀行先話畀佢哋聽，根本完全做唔到按揭。」

更甚者，是「間屋仲畀銀行blacklist咗」，他們覺得事有蹊蹺。

怎會這樣？原來問題，出在該份「接近完美」的驗樓報告。

苦主們去信「英國皇家特許測量師協會」（RICS），查核負責驗樓的測量師資歷。

他們發現，這位測量師根本不是「英國皇家特許測量師協會」（RICS）的專業會員。

「英國皇家特許測量師協會」（RICS）回覆苦主查詢，指這位所謂「測量師」，只是一名Student Member身份，無資格驗樓，其測量師資歷聲稱是假的。

「好多業主，都畀呢個假嘅測量師，矇混過關。」驗樓時近乎完美，但買樓裝修時，卻出現林林總總的問題。

「安迪工房」指，該測量師在該地產公司網站介紹，屬該公司團隊成員，但出事後，已刪走有關描述。

由於該測量師由涉事地產公司推介，於是，業主都追問地產公司，「點解驗樓嘅時候會驗唔到？」

「佢哋就會答：驗樓嘅嘢由專業嘅測量師去做，佢哋只係一間普通嘅agents，點會知道咁多……」

「……咁呢層樓啦，由驗樓、成交去到裝修，都有好幾個月嘅時間，呢幾個月嘅時間，都可以發生好多嘢，英國樓就係咁㗎喇。」

「安迪工房」及「英國專業打假師」FB專頁指出，懷疑這裡涉及一條龍式的詐騙手法。

他們指，首先，由於「接近完美」的驗樓報告，「層樓就畀你哋說服咗我哋去買，佣金先畀該地產公司賺咗一浸。」

收樓後出現問題，突如其來須要裝修，「裝修，再畀你哋賺多一水。」「咁樣，你哋真係冇得輸喎！」

「英國專業打假師」FB專頁更指，有業主決定自行請測量師做檢查。

他們發現，好多問題，應該係物業成交前，已經發生，「而且發現有d問題，係該地產公司錯誤維修，或用錯物料引致。」

「安迪工房」透露，苦主朋友與該地產公司交涉，「佢哋就話，事件仲了解當中，會交畀佢哋嘅律師團隊去處理。」

該地產公司「仲同我朋友講：你係間屋都住咗咁耐喇，如果冇事就得啦」。

「安迪工房」指，驗樓公司與地產公司，屬兩間不同公司，驗樓費用由朋友直接給驗樓公司，但驗樓報告抬頭，卻寫地產公司。

「究竟呢個假測量師，係呃緊我朋友，定係呃緊地產公司？」

但是，「安迪工房」指，涉事地產公司已表明不會報警，目前他已和朋友向英國警方舉報。

「安迪工房」指，其朋友已接近退休年齡，「花咗大半生人儲落嘅錢，只不過想喺英國，安安穩穩過之後嘅生活，依家就畀你哋攪到茶飯不思，你哋簡直係影衰香港人！」

他更直斥：「認真！我覺得你哋賺呢啲錢去買麵包，你連塊麵包都對佢唔住，你哋係冇資格食呢塊麵包，你哋只係食緊人血饅頭！」

現時，涉事地產公司仍未有就事件，公開回應，而英國警方仍在調查中。

事主直斥店方「講嘢冇句真」，「一次又一次講大話，真係好差！」最後事主獲店方安排退款，但由於「畀佢咁講大話拖成個星期，其他地方都截晒單買唔到」，最終無糕過年。事主非常無奈：「我一直都好支持香港人生意，但估唔到今次會中伏。」

其他苦主：一時送嚟，一時又送唔切

帖文引發多名同樣懷疑受該店以相同手法欺騙，無糕過年的苦主留言，有人表示，該店以相同手法，初時「話送嚟，然後話送唔切」，「結果星期五準備送嚟的時候，又好多都冇貨，之後話退錢」，但退錢又要等數日「先退到」。

有人留言至今仍未收到所訂年糕：「話琴日5點送貨，無影，7點問佢話封路，到10點都無聲無氣……」有人亦表示：「我有朋友（光顧該店）都收唔到呀。」

有網民慶幸終於有人踢爆該店不良營銷手法：「終於有人出嚟講，我留言（在該店）落單，十日無覆，搵佢問就話OK，叫佢畀資料過數又無覆，已經知道鬼到爆……」

網民狠批：訂個蘿蔔糕都要呃人

有網民指該店早有前科，「上年中秋買月餅，死追佢地，中秋當日先送到！超離譜！」有網民透露，其朋友在該店訂盆菜，「點知朋友話食完之後，全部人食物中毒，已經上報左Council。」

不少網民留言批評該港店營銷手法：「訂個蘿蔔糕都要呃人。」「又係香港人呃香港人系列。」「香港人幫香港人。」「我之前都係想支持香港人嘅網店，但當店主幾日先覆機，甚至不了了之，就知道多你一個唔多，少你一個唔少，我會識做，唔會阻住人哋。」

同場加映：移英港人瘋狂「囤米」塞鞋櫃邊惹非議 當地港人斥「肉酸」：「嚟到呢邊做咗蝗蟲！」：↓↓↓↓

移英港人瘋狂「囤米」塞鞋櫃邊惹非議 當地港人斥「肉酸」：「嚟到呢邊做咗蝗蟲！」

有當地港人在「英國香港人生活交流區」FB專頁發帖，公審一些移英港人，在高物價下「囤米」的舉動。

公審帖文晒出有兩名當地港人，自拍在家囤積約十多包米。

其中有移英港人自稱「英國窮Ｘ」，表示：「稅貴物價升，真正積穀防饑，無位放咁多米，唯有放鞋櫃隔離。」

他更分享這樣存放，不會影響品質：「實有朋友話會蛙米，但實驗試過放近一年都無米蟲。」

樓主批評，部分移英港人明目張膽「囤積居奇」：「……可唔可以做埋呢啲蝗蟲野唔好？咁光明正大話畀人聽，仲要話咩擺一年，食幾多買幾多好難呢？」

「我最嬲嘅點係，你香港人鬧人哋幾廿年嘅嘢，嚟到呢度自己做返，仲要唔畀人講，靜靜雞唔得咩？」

他批評，有關行為「肉酸」，「真係會因為你哋咁樣囤積居奇，而導致到其他香港人買唔到呀嘛。」

「你估係香港嘅時候貨源充足啊？要幾多有幾多啊？我哋全部喺呢度都係小眾嚟㗎。」

「你哋一啲合理嘅行為，影響到其他香港人嘅群體啊，我哋係小眾入邊嘅小眾。」

帖文引發網民熱烈迴響，反應兩極，有當地港人留言反駁：「視唔同地區同情況，有啲可能好快搶哂就話……但好似我呢間嘅，巿中心放咗喺度三日，都仲堆積如山……咁如果佢喺度買廿包，係咪又屬於自私呢？」

樓主即回應：「多香港人嘅城市（米）一定空。」

有人又認為食米無短缺，「佢買10包米儲量有乜問題？」「其實我在香港也習慣一次買十包八包，唔覺有問題。」

樓主回應指：「佢冇犯法，只係覺得咁樣好肉酸，因為我哋從來都唔鍾意人哋搶我哋嘅資源，而家買米買到其他人買唔到……」

有網民則指：「平咗掃貨好正常……聖誕節8p、2kg薯仔，大把鬼佬都買幾十包成車，你唔post鬼佬谷話佢哋。」

樓主回應：「香港人香港事去鬼佬group講做咩？……何況啲鬼佬都唔做呢啲嘢，去嗰度講嚟做咩？」

不少網民認同樓主，指近年出現移英港人搶榴槤潮：「完全同意，過去兩年，Costco嘅搶朱古力、搶貓山王潮真係嚇死人。」

有網民又指：「完全有同感。仲好似好威咁出post先爆……係我果區，佢地一吹雞，我下午去買就一包都冇……」

該網民更指，當地有港人師奶群組會「跨區揸車掃晒附近d米，叫求米group」。

有網民指出：「……有d港人可能因在英，較香港收入大減下，作出這行為…我見過有人等掃晒8盒特價雞蛋及牛奶（放冰箱）…依d重癲。」

「呢啲唔好講自己係香港人，影衰曬。」「係真係幾肉酸。」「好多嘢都係冇犯法，但唔代表合適。」「真係好羞家！」