60歲黎耀祥小時候一家八口住順利邨，今日貴為三屆視帝，早就不可同日而語。雖然在去年播出的台慶劇《巾幗梟雄之懸崖》被好友劉青雲評為演得麻麻，但無可否認黎耀祥一向演技出眾，近日他卻被一位向來寸嘴的TVB金牌司儀批評，直指黎耀祥一世演不了一種角色。
陳百祥指黎耀祥適合做窮人
陳百祥近日與精裝明星足球隊隊友北上，見他在車內與王敏德同坐，鏡頭外有把男聲提到，王敏德曾被網民指「一世演唔到窮人」，陳百祥即向鏡頭說：「靚仔有貴相，做窮呢就扮唔到嘅，即係你一扮，就梗係唔係黎耀祥，就係王寶強㗎啦，嗰啲唔使扮㗎嘛。雖然王寶強好有錢，但係佢個樣似窮人吖嘛，（即係着龍袍唔似太子呀？）係嘞！」陳百祥又認叻指自己一向不是賣樣又不夠俊俏，卻經常被指派演靚仔，惟有靠演技搭夠。
相關閱讀：黎耀祥落區任限定店長變拉票活動 獲力撐四度爭視帝已覺破自己紀錄
視帝黎耀祥做唔到有錢人？
黎耀祥定居中山豪宅
網民都承認王敏德氣場十足，確實難演窮人、農民等角色，但就可憐王寶強與黎耀祥無辜躺着也中槍：「王寶強躺槍」、「哈哈哈，寶強確實，雖然很有錢但看起來就是沒錢」、「哈哈，黎耀祥，王寶強，好押韻添」。兩人也確是基層出身，黎耀祥小時候一家八口，因父親任職消防員而在紅磡消防局宿舍居住，到其中學時，一家獲派到順利邨。黎耀祥成為演員後，曾住在深井私人屋苑，其後更成三屆視帝，與太太梁耀蓮（Julia）住在市值逾三千萬的上水天巒獨立屋，而為了方便在內地發展，黎耀祥亦在中山置業，近年主力住在內地。
黎耀祥亦鍾情跑車，由以往買日本車代步，到後來轉駕歐洲車，擁有寶馬、Land Rover，老婆亦曾被拍得開積架出入，在美國讀書的兒子黎正橋，試過於社交網大晒價值300萬的林寶堅尼和大黃蜂Camaro，一度被批炫富後變得低調。黎耀祥多年前也曾買下300萬的麥拿倫跑車作「買餸車」，據報他多年來已買入四輛超過千萬名車。黎耀祥確實較擅長演市井角色，但他也曾經演富豪和大亨，在2021年播出的TVB劇集《拳王》，黎耀祥更駕駛一輛林寶堅尼，與另一輛法拉利跑車鬥車，非常有型。
相關閲讀：60歲黎耀祥唔信一世行運 感嘆：我唔擺得幾耐 憑《巾幗》名利雙收15年丨獨家
黎耀祥現實生活好富貴？
