呢排「阿太」開始睇心理醫生，其實佢知自己出事㗎，初時一味去整容，諗住可以用容貌逼「老公」睇自己多幾眼。但佢唔明白「老公」之所以娶佢，當初係深愛過嘅，而「阿太」亦係「老爺」親自揀選，「老公」之前咁多女人， 「老爺」都嫌三嫌四，話人出身唔好。其實「阿太」出身都係普普通通，啲歷史乾淨，又係讀書人，再加埋一個好叻幫阿女鋪排嘅 阿媽，嫁到好人家都係阿媽嘅願望。
相關閱讀：星8卦丨「醜爸」乘人之危娶「斯文」離婚多年冇斷財路證真愛
「阿太」表面係明白丈夫一丈之外就唔係夫，但離譜在嗰班女人覺得自己有機會入宮，所以無時無刻都收到啲莫名其妙嘅口訊，叫佢去呢度嗰度睇嘢，睇乜嘢？咪係老公同啲女玩得幾開心囉！「阿太」有試過畀老公知啲女人搞搞震，但「老公」只係淡然講句唔駛理咁多，你係我老婆。
相關閱讀：星8卦丨「花旦」錯嫁破產「伯伯」轉名下物業被充公蝕大本
久而久之「阿太」真係幾痛苦㗎，仲要生咗一堆細路，好似表面好風光，但就唔可以揀自己開心嘅生活方式，同埋阿媽都唔畀佢郁啲話離婚，惟有當乜都睇唔到，亦唔可以同任何人講自己嘅苦處，當唯一好友「肖姐」見佢開始自言自語，就捉佢去見醫生，但聽講目前治療情況唔係太理想， 所以連阿媽都出動埋，希望「阿太」快啲諗通唔好計較啦！
