現年40歲張致恒（Steven）與老婆區燕雯（雯雯）婚後連誕四子，二人多年財困，不時問人借錢，甚至做「伸手黨」向網民求助！雯雯繼日前上網鬧爆被人偷去奶粉後，又指老公的公司提早收爐，甚至言之鑿鑿再受經濟壓力要全家自殺：「真係可以成家跳樓！」不過近日有網民指目擊張氏一家一人一部iPhone，質疑他們一直扮窮。
網民作文屈張致恒？
近日有網民在輕鐵捕獲張致恒與老婆及其中三名兒子，並表示見到他們全家一人一iPhone，該網民寫道「成日喺度話窮！男嘅一部iPhone，女嘅一部iPhone，小朋友每人一部iPhone！我覺得我仲窮」，相中張致恒、雯雯各自在撳電話，不過就未見小朋友的身影，亦沒有拍到他們的手機型號。不少網民力指張致恆扮窮博同情，只是想網民課金，而他們一家就可以繼續做「伸手黨」。張致恒昨日（23日）在IG限時動態稱，自己正在使用的電話型號，非iPhone而是Samsung A14（兩年前款式，現網價$888），並反問：「又何來一家人每人一部iPhone呀？」
日前網民指在輕鐵見到張致恒與老婆及其中三名兒子︰「男嘅一部iPhone，女嘅一部iPhone，小朋友每人一部iPhone！」
張致恒昨日（23日）在IG限時動態稱，自己非用iPhone而是網價$888的Samsung A14。
張致恒6人家庭是風頭躉。
見到都覺得嘈……係熱鬧呀！
去年張致恒做地盤，佢都叫肯做吖！
去年10月，雯姐在IG以黑底白字表示：Last day for here……
去年10月，雯雯再發第二個post感激恩人幫忙。
關關難過關關過啦。
張致恒成日呻無工開，長期財困。
張致恒一家是「扮窮」定「真窮」？
張致恒被質疑一家扮窮，同時亦有網民大爆在荃灣見過張致恒與老婆到DONKI掃貨，並表示：「幾富貴啊！DONKI喎，冇錢買奶粉？同埋請工人！點會覺得佢哋過窮等人嘅生活。」繼而再有人表示，見過張致恒去接小朋友放學後搭的士回家，直指兩公婆感情其實不錯︰「我撞到佢哋嗰陣時， 佢老婆講嘢不知幾陰聲細氣，唔似平時佢網上面成日鬧佢老公， 兩個喺網上面應該扯貓尾。」
