一名穿短褲、手部有紋身的大力士，疑似孭著336罐啤酒（粗略估計至少重242磅）上樓梯的相片在網上流傳，如此極至力的表現，看得網民目瞪口呆，同時也半信半疑，有人懷疑是改圖。有數口精的網民更加詳列數據分析，認為最頂兩盆共48罐啤酒有古怪。
樓主早前在facebook群組「大埔 TAI PO」以「好Ｘ堅」為題發帖，上載這張一鳴驚人相片，按照片目測，大力士疑似正孭著336罐330ml啤酒上樓梯。
相關閱讀：旺角奇人揹240罐啤酒行上樓 步履輕盈上樓梯 身份原來係……
大力士孭336罐啤酒上樓梯逐張睇 ＋ 網民半信半疑↓↓↓↓
24罐 x 14pack=336罐
網民讚嘆「勁堅」、「24罐x14pack（盆）仲要上樓梯」之餘，也關心到對方的身體情況，指是「辛苦錢嚟」、，提醒小心「整傷自己身體」、「膝頭哥好快唔要得」、「條腰好快唔要得」、「雖然係勁，但唔係一件值得鼓勵嘅事，好危險」。
有心水清的網民細看照片後開始半信半疑，詢問「唔會係AI（人工智能）生成圖或改圖啩？冇可能最頂高過人頭冇嘢擋，而且樓梯咁斜，加埋咁高咁重，到時冇人幫點落地？！」、「企到喺度已經贏咗，佢仲要可以上樓梯真係好勁。但係問題嚟喇放低嗰下先至係重點」、「問題係疊咁高，過咗自己個頭喎，點孭上樓吖！」、「唔合比例，個人邊度有咁高頂住呀？」、「邊有可能，肯定p（改圖）」。
相關閱讀：黑超筋肉人扶實車廂呢個位 坐空中無影凳 網民期待見到這一幕……
大力士孭336罐啤酒上樓梯逐張睇 ＋ 網民半信半疑↓↓↓↓
14盆=336罐
不過。也有人力撐相中畫面珍珠都無咁真，「你有無去過（上環）皇后街⋯⋯啲阿叔兩包50kg（約110磅）米都係咁托～佢呢度無100kg（約220磅）」、「高過頭就上唔到樓梯？咁你一定係外行人⋯⋯講多嘥口水」、「好正常呀。以前香港人通常會畀佢再做多兩層。酒吧或者樓上食肆都係咁樣抬上去，每一次落多兩pack行少好多轉」。
還是有網民科學化地以數據分析：「一罐啤酒330ml=330g，每盆有24罐，照片有14盆=336罐……呢度約110kgs（約242磅）以上」。
「你睇，大部分人都信先好笑，所以香港咁多詐騙受害人 ! 我計過14盆罐裝啤酒，每盆24罐，每罐連罐身約340ml、亦都等於340g，共重約114kgs（約251磅）。要一個人揹起、底靠雙手10隻手指抓，仲要唔係咁多盆綁好。搬部高身雪櫃都要束尼龍帶，連繫雙肩先起碼食到力。最高幾盆仲高過人頭好多，前面完全冇擋板借力，根本唔符合人體工學」。
大力士孭336罐啤酒上樓梯逐張睇 ＋ 網民半信半疑↓↓↓↓
細看相片發現第15盆啤酒
還有網民在細心討論：
•「我好似見過有人真係咁樣抬上樓」、
•「係，我大仔以前都係咁抬，但唔係咁高」、
•「真，少佢兩盆」。
———
•「我見過真係咁抬上樓」、
•「但唔會有咁高，視乎個人有幾高，因為佢要用頭嚟頂住最上個兩盆」、
•「如果中間兩排就合比例，4排個人要起碼6尺高」。
最終，有人施施然點出相片可能是「兩個人」，這樣便解釋到最頂兩盆啤酒可能是正由另一位大力士搬運，只是相片的拍攝角度剛好拍不到對方的身體而已。
再仔細看最頂兩盆啤酒，底部似乎露出了少許頂著的另一盆啤酒。因此，如果全部啤酒都由相中見到的大力士一個人搬運，那便應將這盆也計上，即24罐 x 15pack（盆）=360罐！↓↓↓↓
