「TVB御用惡人」的李嘉，後日迎來43歲生日，相信兩個多月大的B女Oliva一定是他今年最好的生日禮物。6歲開始習武的李嘉，既是武林高手又是武術顧問，他曾為TVB劇《火線下的江湖大佬》宣傳活動上徒手劈榴槤。熱愛武術的李嘉不時在社交平台分享武術短片，昨日（15日）李嘉在小紅書貼片，分享左手抱B，右手耍劍，他回覆《星島頭條》否認此舉牙煙，「我練開功，呢啲係家常便飯」。
李嘉拍片抱B耍劍
李嘉昨日在小紅書發帖，他表示：「左手抱娃，右手提劍的小日子，開心！」影片可見，身穿黑色睡袍的李嘉左手抱住B女Oliva，右手耍着長劍，每個動作都渾身是勁，他轉身時，左手亦隨即自然反應把B女緊抱入懷，整條影片B女未有嚇親，仍乖乖安靜地陪爸爸練功。
相關閱讀：「TVB御用惡人」李嘉榮升爸爸！與內地索爆嬌妻結婚3年 離巢後轉行到機場工作
李嘉抱B耍劍照：
B女受陀教影響
李嘉抱B耍劍影片，掀起網民熱議，不少網民覺得非常之牙㾓！就此事李嘉回覆《星島頭條》，他表示平時老婆照顧女兒，他放工回家便接棒照顧，讓太太可以休息，「有時要爭取時間練功，咁我通常抱住佢嘅時候，另外隻手就會練吓嘢，同埋我個女唔知係咪老婆陀佢時，成日睇我練功，有時扭計用好多方法𠱁佢，佢都會繼續喊，但我抱住佢一練功，佢就會好乖好留心望住我，我喺度練，佢就好乖咁樣配合。」原來胎教已經常常看爸爸耍功夫，難怪B女Oliva完全處變不驚。
相關閱讀：吳家樂機場捕獲前TVB御用惡人！近年娶內地索妻常放閃 曾做輔警、保鑣仲開武館
李嘉《一舞傾城》惡人照：
李嘉綠豆都斬得開
李嘉續指，如果一般普通市民攞刀斬隻雞頭都驚的人，當然牙㾓啦！「我哋呢啲練開功嘅係家常便飯，冇話牙唔牙㾓，睇你自己功夫掌控情度，譬如我呢啲，我出刀一粒綠豆都斬得開嘅，對於兵器控制非常之純熟，同埋我覺得右手練兵器，左手抱住我最重要嘅BB親人，我覺得右手保護左手，其實都係一種練功方法，至於啲人話牙㾓、危險，只能話佢哋唔係練武嘅人。」
相關閱讀：金牌惡人移居中山吸金力驚人 商演月入有六位數字 生活寫意近年愛「揸飛機」
與BB一齊練功可修練殺氣
李嘉曾試過被人問到會否震親囡囡，他解釋他有一種化勁的功夫，「化勁係一隻手可以好用力，另一隻身可以將所有嘅震盪抵銷，變咗唔會震親BB，但一般睇畫面係睇唔到，但一搭上手就完全感受到。」李嘉曾經試過在公園練功時，飛來一隻紅嘴藍鵲，小鳥更陪伴李嘉練功未有被嚇怕飛走，「其實同BB或小動物一齊練功，可以修練殺氣，令到人和諧啲，係一個幾好嘅身心鍛鍊方法。」
相關閱讀：前TVB「御用惡人」李鴻杰近照有回春感？竟是舞蹈高手 曾為張國榮陳百強排舞
李嘉99年加入TVB動作特技演員訓練班
李嘉在1999年加入TVB動作特技演員訓練班，畢業後擔任龍虎武師，曾拍過不少劇集如《城寨英雄》、《大帥哥》、《飛虎》、《失億廿四小時》、《巾幗梟雄之義海豪情》等，被網民封為「功夫狂人」。李嘉在《一舞傾城》劇中，強暴由蔡潔飾演的夜總會王牌舞小姐Monica，他大膽的強吻、扯爛絲襪、摸大髀鏡頭，播出後掀起不少網民熱議。
李嘉在大角咀公園教授功夫
李嘉曾為港台主持節目《功夫傳奇》，他到內地拜訪不同武術高手，又贏出鳳凰衛視的數碼頻道主持比賽，之後認識了一位做電腦總代理的老闆，對方打本開武館讓他做總教頭。李嘉曾受訪表示，武館做了幾年，後來老闆生意不好，不幸破產，就沒有再做。而且做武館跟他的武術理念有矛盾，香港租金貴，要不斷吸學生，不斷想新花款，他練功夫比較枯燥，將傳統的基本動作，重複幾萬、甚至幾百萬次，未必每個學生接受到。最後他改選在大角咀公園的一個中式涼亭教授，大約有十個學生跟他學功夫，他六年前自創了一個武術體藝系「實用南螳螂」。
