男團ERROR成員郭嘉駿（193）性格率直敢言，因而惹來不少Haters批評。今日（14日）是193的35歲生日，他在IG發千字文分享與公公的過去點滴，193透露父母因為要工作搵食，自小便由公公及婆婆照顧，他們仨感情要好。豈料，昨日（13日）公公病逝，193後悔很多事情來不及跟公公做，甚至說多謝也太遲，他傷心欲絕表示：「呢幾日喺我腦海不停徘徊住呢四個字『愛得及時』」。
193生日IG發悼念文
193今日生日沒有慶祝，皆因痛愛他的公公昨天病逝，他在IG發文悼念，他先透露與公公及婆婆的親密關係，「我細個有段好長嘅時間都係公公婆婆湊我，因為爹哋媽咪日頭要返工，所以我每日放學都會去公公婆婆屋企，到食完晚飯先跟爹哋媽咪返屋企。」
相關閱讀：獨家直擊丨193：有陰影唔敢再揸 蝕廿萬放「法拉利」 以128萬成交
193郭嘉駿發千字文悼念公公：
193讚公公頭腦靈活廚藝高手
193大讚公公頭腦靈活，廚藝高超，「以前一直都覺得公公好犀利，到咗呢個年紀都仲可以身體咁健康冇病冇痛周圍走，個腦仲係轉得咁快可以睇財經炒股票，但係近一兩年佢身體狀況突然急轉直下，以前每次上去佢屋企食飯我都食好多嘢，因為佢煮餸嘅味道出面係食唔到，以前每年新年都好期待食到佢親手整嘅蘿蔔糕，因為好足料好好味同出面買嘅蘿蔔糕根本冇得比，但係近年因為佢身體狀況越嚟越差，所以已經好耐冇食過佢親手煮嘅嘢食，不過食唔食到都係其次，大家都覺得佢身體健康先係最重要。」
相關閱讀：193被指叱咤冇獎攞黑口黑面 爆seed反擊Hater 獲網民讚是「Haters教育家」
193郭嘉駿撞倒阿婆成熱話：
193慨嘆工作忙碌忽略公公
193續指，「六年前我入咗行，公公會睇我做嘅節目劇集會睇我嘅報道，我開始覺得終於可以令佢安心令佢自豪，就算遇到咩唔開心咩挫折，佢問起我都會話冇事所有嘢都好順利唔使擔心，直到真係賺到錢想請佢去旅行，先發覺佢身體條件已經唔許可。」193又慨嘆自己工作忙碌忽略了公公，「搬咗屋想帶佢上嚟睇，買咗新車想帶佢兜風，開咗新餐廳想帶佢去食，一直覺得仲有大把時間唔使急住做，但原來所有嘢都要愛得及時，有時會責怪自己唔夠叻，如果我叻啲就可以喺頒獎台上面多謝佢。」
相關閱讀：193為入戲幻想胞妹畀姜濤害死慘變浮屍 拍《無用的謊言》求突破主動要求演癲佬丨獨家
193外公昨日病逝
193感慨表示：「但原來時間係唔等人，佢前兩日望住我話多謝我嚟探佢，但我見到佢咁辛苦真係好心痛，本身想話多謝佢一直以嚟咁錫我哋就真，不過因為唔想畀佢見到我喊所以轉身行開咗，到尋日再去醫院佢已經冇再郁過，我仲未來得及多謝佢佢就已經走咗。」
相關閱讀：193郭嘉駿終上TVB！洪永城開全名講撞途人事件 曾考藝訓班硬闖電視城失敗
193：愛得及時
193傷心表示：「公公尋晚終於過咗身，但今日係我生日，以前每年生日都會收到公公畀我嘅生日利是，突然發覺原來以後都冇機會再收到，呢幾日係我腦海不停徘徊住呢四個字『愛得及時』！」網民在帖上留言慰問，「33！你要振作！公公會以你為榮！你已經好叻仔！你要保重！公公！RIP」、「Take care 33，你公公冇離開你，永遠都在你心入面」、「公公會係另一國度守候住你」，而盧覓雪亦表示：「公公知道33乖豬！」
相關閱讀：193郭嘉駿撞途人事發後逾24小時方報案！發文認駕駛不當 大律師指一情況或涉危險駕駛
