80年代小生吳瑞庭在1985年修讀TVB第一期藝員進修班，與黎耀祥和周海媚是同學，畢業後，吳瑞庭加入TVB拍劇，雖然曾參與《義不容情》、《淘氣雙子星》、《血濺塘西》和《流氓大亨》等多套劇集，再加上官仔骨骨的容貌，不過無助星途發展，在1992年他就決定離巢往馬來西亞發展。
吳瑞庭慶幸依然能夠在娛樂圈生存
想不到事隔27年，本來轉型做佈景道具設計的吳瑞庭回歸幕前，日前吳瑞庭接受演藝人協會的訪問，回顧這40年的演藝生涯，吳瑞庭慶幸自己依然能夠在娛樂圈生存：「我能夠喺幕前去到幕後，再由幕後返番幕前，我仲有呢個機會做。」
相關閱讀：TVB型佬親民搭枱食名人最愛豬膶麵！與黎耀祥周海媚同屆畢業 曾被指撞樣鄭伊健
吳瑞庭慶幸能夠在娛樂圈生存：
吳瑞庭當年加入TVB工作量驚人
在訪問上，吳瑞庭當年加入TVB，工作量相當驚人：「嗰陣真係爆騷爆到暈，一年簽120個騷，同而家好唔同，我哋仲學識好多嘢，知道點樣做臨時演員、茶客，得一句對白嘅演員，大約4、5年左右，就開始認真做一個演員。」不過完約後，TVB未有與他續約：「嗰陣好徬徨，唔係因為冇嘢做，我只係諗點解認真咗兩年之後，突然唔同我續約呢？究竟係乜嘢原因？我到而家都唔知。」
吳瑞庭約滿後主力往馬來西亞拍劇集，當時不少TVB藝人都往當地挖金，包括黃柏文、惠天賜、尹揚明等，他曾說：「嗰陣去咗馬來西亞差不多7年，差不多有30個香港人喺嗰度，好似小香港，大家都好開心。」吳瑞庭還說過：「有監製話我知惠天賜會嚟馬來西亞發展，叫我照顧佢，我一口答應。到我人生第一個寫嘅劇本，就係佢買咗落嚟拍攝，人仲係一口答應，只要我寫好，無論點都會收貨，呢啲咪係大哥風範。」可惜惠天賜的離開，吳瑞庭久久都無法釋懷。
相關閱讀：愛回家丨網傳各演員每集片酬表？64歲男星大幅拋離 劇中要角竟收呢個價？
《愛‧回家》多巨星客串？
吳瑞庭遇上金融風暴被逼要回港
可惜好景不常，吳瑞庭遇上金融風暴，被逼要回港，其後又與朋友搞電腦和網站生意，再因科網爆破，變得一無所有：「嗰陣囈人畀我做幕後，之後遇返盼盼姐（楊盼盼），佢畀我做服務指導。」最後輾轉下重返幕前，吳瑞庭說：「能夠將興趣變成事業，係好開心，雖然唔係好成功，但係能夠做到一份工作，而係自己鍾意，我覺得好成功，我而家都同人講，我同新人冇分別，每次開工都當自己新人去做，呢個係好好玩嘅嘢。」
59歲吳瑞庭由𡃁仔變為Man爆大叔
剛剛過了59歲生日的吳瑞庭，𡃁仔變為Man爆大叔，霎眼看來有點似鄭伊健，吳瑞庭曾自爆當年經常被誤認為鄭伊健，兩人不時錯收對方粉絲寄出的信件，數量多得要用一個大膠箱儲起。至於感情方面，吳瑞庭在2010年結婚並育有一女，太太是圈外人，兩人早年曾經拍過拖，不過因吳瑞庭花心而分手，想不到多年後重遇並結婚：「我好感謝太太，冇佢支持，我唔會繼續做呢一行。」
