37歲視后林夏薇在台慶劇《黑色月光》首演反派卓慧雲，以25%得票率暫居「民選視后」榜首，有機會再下一城。近日林夏薇接受電台訪問時，重提2015年事業上升期突然結婚，嫁給年長16年的圈外金融才俊莫贊生，由於當時她不曾公開拍拖，其閃婚的決定令人震驚。
林夏薇與莫贊生拍拖兩年
林夏薇日前接受電台節目《星光背後》訪問，自爆當年與莫贊生並非閃婚，她說：「其實我係有正常拍拖，所以個個聽完都話我收得好密，主要因為我工作同生活係分得好開。」林夏薇又透露與莫贊生拍拖兩年才結婚，本身就是家族好友，但就並非透過家人介紹。婚前於圈中見盡不少型男帥哥，被問到有沒有曾被圈中人吸引過，林夏薇說：「冇諗咁多，可能一路都搏殺緊，亦都冇機會去諗其他嘢，況且電視台一開頭飾演啲角色，未話去到好多情感戲，當然我要專業，拍戲當下就會投入，但拍完就會識得抽身。」
相關閱讀：萬千星輝頒獎典禮2024丨一文睇清十強提名名單！楊茜堯胡定欣林夏薇缺席 上位小花因呢件事搶盡風頭
林夏薇罕爆與老公閃婚之謎？
2015年正值上位階段，林夏薇卻不擔心突然宣布結婚會影響事業：「咁我又冇呢種諗法，可能我更加想做嘅係一個演員，冇諗過要成為一個明星，演員就係盡最大努力去演好每個角色，咁當離開角色時我就係我自己，所以我就喺適當時候做適當嘅事，其他嘢冇諗太多。」至於為何對老公情有獨鐘，林夏薇坦言最欣賞他孝順，其處理問題的方式及思想成熟也是最吸引她的原因，亦分享與先生甜蜜相處：「我哋都好忙，佢終於搵到個仲忙過佢嘅人，我哋兩個一直都好順利，同先生除咗係夫妻之外，都係亦師亦友，生意上佢又係我老師，而我喺做生意上，我係個新人，佢畀好多意見我，所以我哋相處得好好，就嚟結婚10年啦，覺得大家個種交流係思想同心靈上可以溝通到，會互相扶持同包容，令我哋咁多年仲可以保持新鮮感。」
林夏薇有意生B但太忙
有指林夏薇2018年曾一度與TVB約滿離巢，曾休息一年，被指為了婚後調理身體孕育下一代，對此她表示：「其實一直都冇話有或者冇呢個計劃，我以為我停落嚟時候可以調理身體，因為之前拍劇太密集，覺得身體響起警號，需要停一停，同埋啱啱結婚都要陪吓對方，唔係特別為生仔。不過有我亦唔抗拒，但當我停落嚟處理生意仲忙，變咗都冇停過，啲人成日問我有冇諗過生仔？我話我有，但真係冇時間。」林夏薇又指與老公二人對生育沒壓力，家人亦沒給予壓力，雖然很喜歡小朋友，但家中已有幾隻狗狗。
相關閱讀：林峯與太太張馨月激罕孖住現身！林夏薇新舖開張送「驚人厚禮」予賓客 三大TVB視后送花籃祝賀
林夏薇常晒超級豪宅？
林夏薇稱作為巨蟹座的她家庭觀念好強，如果成為人母，會是個負責任的媽媽，時間會全部花在小朋友身上，但現階段真的沒時間，加上剛開了鑽飾店，鑽石就是她的新BB，笑言再無太多時間和精力。林夏薇2015年7月與莫贊生低調結婚，並於價值15億的太平山頂豪宅設宴，圈中的好友也不知其結婚消息。有指莫贊生是多家私人公司及上市公司的股東，身家數十億；林夏薇則出身自廈門顯赫望族，其伯父林華國（林峯父親） 更有「廈門李嘉誠」之稱，兩人絕對是門當戶對！
