ROVER為琴袋嗌交令互相更了解 預告2025年製作歌曲新方向丨獨家

剛在叱咤頒獎禮奪得樂壇生力軍組合銀獎的樂隊ROVER，最近推出新人年第4首歌《陪我一路漫遊》，作為出道年小總結，MV中他們還公開大家黑圖。4子很感激這年遇到的人和事，而他們雖然有不少衝突，試過為個電子琴袋都可以拗一餐，但更加深了了解，成為2025年製作歌曲新方向。採訪：杜杜 攝影：朱偉彥 髮型:Ryan Tsoi@Beijing Hair Culture Elements/Daniel Ng@Impecc Hair Salon 化妝:Bryan Po/ Sharon Lee

ROVER認為這個出道年相當充實，有不少難忘經歷。

有份拍《無用的謊言》的Jason，想今年再拍劇。

希晉透露今年製作新歌方向，讓樂迷可更了解他們。

亨仔好想多參與綜藝和劇集，因跟唱歌感覺大不同。

演過舞台劇後，Kim希望今年可挑戰拍電影。

ROVER認為這個出道年相當充實，有不少難忘經歷。

講到創作《陪我一路漫遊》初心，希晉解釋除為此年總結，還有其他想法，「今年啲歌有個主題係『喜怒哀樂』，去到『樂』就決定做首好感恩嘅歌，新人年好多人出現幫助我哋，所有嘢都係緣份，就想到用一首歌作為禮物，送畀我哋遇過嘅人。」MV公開大家的黑圖，當中以隊長Kim收藏最多，「亨仔同希晉都好易影到，Jason就最難影，除非佢冇剃鬚同啱啱洗完頭好落泊咁啦！」

4子當《陪我一路漫遊》禮物，送給幫助過他們的人。

兄弟冇隔夜仇

這年4子多了時間了解，但亦因此多了衝突，希晉說：「我哋有咩會直接講，自己係因為信任先唔驚佢哋會嬲，將心底裏面嗰句講出嚟，係兄弟嘅表現。」不過他們笑言有時嗌交原因也很無聊，希晉續說：「有次去busking阿亨好多嘢拎，冇拎到電子琴，就拜託我同Kim喺band房拎，我哋返到去得個琴，但唔見個琴袋，無理由就咁拎出街，就問阿亨喺邊使唔使問人借，佢就覺得『叫你拎個琴都咁多嘢講』。」亨仔反駁：「都係抬上van仔之嘛！」希晉再解釋：「我唔想出到去大家出醜嘛！」Jason笑言：「佢哋就係咁拗起上嚟！」

ROVER在叱咤頒獎禮奪得樂壇生力軍組合銀獎。

雖然看似有些火藥味，但畀機會4子向其中1個隊友講對不起時，他們卻直言兄弟冇隔夜仇，冇心病就不用講肉麻嘢。講到新年目標，Jason認為大家經常齊上齊落，反而想多些機會分開工作，「一齊做嘢互相依靠係會順利啲，但亦缺少咗各自應對能力，各自去做可能會學到多啲嘢。」Kim和亨仔就希望嘗試多些戲劇和綜藝節目，亨仔提議：「希望爭取到我哋一齊拍笑片，應該幾好笑。」希晉就透露來年音樂方向，「有機會我哋每人主導1首歌，因為大家了解多咗，譬如亨仔愛舊式抒情歌、Jason鍾意Rap、Kim鍾意啲小清新嘅歌，想攞我哋極致啲嗰面畀大家睇。」

這年ROVER特別感激公司和粉絲Radar（fans暱稱）的支持。