TVB長壽節目《歡樂今宵》從60年代開始陪伴了不少人成長，雖然節目在1994年暫告一段落，但至今仍然是不少人的集體回憶。有「EYT之父」之稱的蔡和平，在1967年TVB開台成功打造《歡樂今宵》，當時有賴一眾台前幕後的職藝員同事支持，當中包括人稱《歡樂今宵》大家姐、蔡和平的得力秘書李乃玲（Rosana）。
李乃玲舊地重遊分享鮮為人知的一面
近日在小紅書流傳一段李乃玲最新近況的短片，在片中，李乃玲舊地重遊並分享當年在《歡樂今宵》鮮為人知的一面，她笑說：「我其實好幸運，無端端就進了電視台，我做電視台的時候，算是管理的中高層。」
相關閱讀：「EYT之父」蔡和平罕有現身聚會 82歲盧海鵬身體驚現變化？林建明一舉動掀回憶殺
「EYT之父」蔡和平得力助手罕現身：
李乃玲為蔡和平擔任秘書
年過70的女強人李乃玲在2020年曾在第三屆「金紫荊女企業家獎」獲卓越企業管理獎，想不到她在年青時，曾在TVB工作並擔任蔡和平的秘書，為不諳中文的蔡和平與藝人之間擔任橋樑角色。去年李乃玲曾接受鄧英敏的YouTube頻道「老友鬼鬼」的訪問，分享與蔡和平的合作。李乃玲曾在1971年開始，為蔡和平擔任秘書，「嗰陣佢係講新加坡英文，唔係好識講廣東話，佢只係有時會夾雜兩句廣東話，跟住就會講番英文，佢做嘢好急，最好係佢講完呢一分鐘，你已經企起身去做， 可能我本身都係好快，但因為只係諗做好啲，希望老闆想賞識你，就可以升職加人工，嗰陣我簡單，只係想為屋企賺多啲錢。」
李乃玲回味與蔡和平合作
李乃玲坦言很回味與蔡和平合作：「佢畀咗我很大能量，非常感謝上天畀咗我呢個機會，我覺得比我同齡嘅人，睇每件事會比較通透，變咗我個人會成熟啲，諗法會闊啲，所以我有好多機會接觸唔同範疇，其實對於一個後生女嚟講，係一個非常好嘅機會，訓練我成為一個多方面嘅人。」
李乃玲與一個男藝員關係甚好
鄧英敏稱當年李乃玲與一個男藝員關係甚好，而且經常送她回家，李乃玲笑說：「係呀，因為嗰陣唔係好順路，大家都係單身，我哋做完《歡樂今宵》之後，佢咪話車埋我，我哋大家好似兄妹，真係好熟，因為我同佢同一天做員工，員工號碼係一前一後，同一天加入《歡樂今宵》，嗰陣我哋係啱傾。」
相關閱讀：盧海鵬「試咪」連陳百祥都要下跪！罕有出關現身聚會 唱歌一狀態令人意外
盧海鵬《2024 EYT好友會聯歡晚會》中氣唱歌：
相關閱讀：EYT元老級藝人聚首一堂！70年代花旦汪明荃黃淑儀罕同場 一動作粉碎不和傳言
李乃玲離開咗電視圈後向商界發展
李乃玲離開電視圈後向商界發展，曾經投資物業、做房地產起樓，其後成立了一個健康品牌，雖然在投資方面有斬獲，不過因為媽而退休：「嗰陣我做房地產做咗26年，身體開始差，我塊面有好多斑，媽媽開始擔心我，我唔想媽媽擔心，所以我退休。退休後，我休養咗兩年幾，個人好啲之後，突然好似醒悟，點解我要為人嘅身外物增值，而唔為人最重要嘅本錢，即係健康增值？」最後她創立了自己的健康品牌。
