77歲TVB鎮台之寶的汪明荃（Liza），入行58年地位崇高，深受後輩愛載！近日汪明荃「搶」薛家燕飯碗，竟食神上身做百彈齋主，彈蘿蔔糕失色，Foul晒出局。其實汪明荃的「食神」角色是為某食品拍廣告，她昨日（8日）更把影片分享到IG上，網民力讚汪明荃可以做飲食節目。
汪明荃IG力推蘿蔔糕
汪明荃昨日在IG出post，她寫道：「農曆新年快到了！唔知大家準備好辦年貨未？通街都係蘿蔔糕，唔通個個都識揀蘿蔔糕咩？唔使擔心，汪阿姐我以全力以赴、做到最好的宗旨為大家物色到最好的選擇！我對每一塊蘿蔔糕的用料都特別講究，不僅堅持用優質食材，真材實料，還親自試味調整，令大家吃得安心又滿意！」
相關閱讀：汪明荃死敵因身體特徵遭導演嫌棄要求「剝掉」 堅拒為星途就範：我寧願唔做
汪明荃化身「食神」？
汪明荃「食神」上身
影片可見，身穿紅衣配黑褲的汪明荃化身做星級評審的「蘿蔔糕守護者」，她握着雙手霸氣步入一個粉飾成屋企的影樓內，她手指指說：「今日我就嚟試吓，睇吓你哋邊個可以將蘿蔔糕煎到一個新嘅高度…」汪明荃看到賣相一般的蘿蔔糕便說：「都冇料嘅，白雪雪，Foul…」，接着她拿起一碟蘿蔔糕輕輕一索，她又狠批地說：「嗯…都冇臘味啲香味，Foul…」而她拿起第三碟的蘿蔔糕時，看到蘿蔔糕大小不一，她即說：「賣相都係好緊要，切到又大又細，Foul…」汪明荃更表示要整一底靚的蘿蔔糕，絕不簡單！
相關閱讀：汪明荃素顏現身睇《香港式離婚》 少女風打扮勁搶fo與劉嘉玲合照成強烈對比
TVB台慶變汪明荃之夜？
網民勁想食阿姐蘿蔔糕
整條影片，汪明荃的神緒及語氣似足薛家燕在電影《食神》中的味公主，網民亦在帖上留言大讚汪明荃演技好可以拍飲食節目，「Liza姐不如您都主持個飲食節目吖！」、「汪阿姐特別推薦，口福來了」，另外也有不少神徒（盧瀚霆粉絲）慕名而來訂購，「想試阿姐蘿蔔糕，撈撈有得食」、「之前撈撈讚不絕口的蘿蔔糕，估唔到我都有機會訂返屋企品嚐，多謝Liza姐！」、「之前anson lo話好好食，跟買先」、「買咗喇，終於可以試吓教主咁鍾意嘅蘿蔔糕」。
相關閱讀：汪明荃演唱會晒舞技做一動作份外小心！大批藝人捧場 神隱星二代契女贈花賀阿姐
