2011年港姐冠軍朱晨麗的戀情多年來都受到關注，去年被爆與「富二代」史昊洺拍拖，更一度傳出她已懷孕，雖然朱晨麗否認傳聞，不過轉個頭又被好姊妹陳煒踢爆「好事近」，已屆適婚年齡的朱晨麗坦言感情事一切隨緣，對於與富二代史昊洺的關係，朱晨麗曾以「私底下會聯絡的朋友」來形容。
朱晨麗大除夕與最愛一同度過
在大除夕當晚，朱晨麗當然與最愛一同度過，不過這個人並非史昊洺，而是她的媽媽。朱晨麗貼上多張睇煙花的相片並說：「何其有幸，年歲並進，舊夢已覺醒，萬朵花開時，願2025新一年，平安基礎上錦上添花，在平凡日子裡有歡笑、有愛、有好運有幸福。」 不過最令人注意的，除了維港的無敵景外，還有她的媽媽。
相關閱讀：朱晨麗搵母親做擋箭牌：生日同媽咪食長壽麵 避談富二代男友史昊洺
朱晨麗與餅印媽迎接元旦：
朱晨麗和媽媽幾乎同一個餅印
相中所見，朱晨麗和媽媽幾乎同一個餅印，朱媽媽看起相當年輕，雖然打扮比較樸素，但依然未有影響艷光，姿色不比女兒遜色。朱晨麗是家中獨女，16歲透過優才計劃來港，朱晨麗曾自爆傷透父母心：「我好細個去咗上海讀書，嗰陣身邊有聲音問我：『有冇諗過係父母唔鍾意自己，佢哋先會咁忍心？』我咪直接問媽咪。」
朱晨麗曾遭父母反對來港
朱媽媽聽完的反應，令朱晨麗很後悔：「媽咪聽到想喊，然後解釋畀我知，我當場好後悔，原來大人嘅世界同我哋完全唔同，有時佢哋會為咗堅強而堅強，唔似我小朋友咁天真爛漫。」朱晨麗還說：「當初佢哋都唔贊成我留喺香港，睇完我入行後嘅作息時間，佢哋心心痛。」
相關閱讀：朱晨麗擇偶條件要孝順心地好 想開網上節目講感情事：可以開解大家
朱晨麗緋聞舊愛何廣沛常與女友放閃？
朱晨麗已經被父母催婚
已屆適婚年齡的朱晨麗已經被父母催婚：「我想喺事業繼續拚搏吓。不過我性格比較傳統，一定會結婚生仔嘅，本來擔心自己係高齡產婦，但睇到蔡少芬40幾歲先生孩子，即刻少咗好多擔心。」至於理想伴侶？朱晨麗直言樣貌當然不可以醜，只因她也不想日後生出來的小朋友不夠精緻。
