黃凱芹與杜自持今日（28日）為將於明年1月於西九文化區戲曲中心舉行《唱・2025 Live》音樂會綵排，兩人相隔20年再合作開騷，黃凱芹表示很興奮和開心，也覺得兩人20年再重逢很有紀念價值，杜自持則覺得回憶「返晒嚟」，到時也可能會唱兩句。
黃凱芹認與周慧敏有默契
問到黃凱芹是否有興趣找好友周慧敏一起開騷，他笑指有報道之後再開口，感覺會更有誠意：「有時貿貿然去搵人，人哋會覺得你唔知係咪，但傳下傳下可能就會覺得係真。（之前有冇傾過？）佢好似宣布咗唔做個人大型演唱會，（兩個人咪啱！）可以，三人都得，其實我覺得咁係有啲火花，始終喺香港我未同過一個歌手夾檔，但佢係由電台嘅時候已經合作無間，大家無論默契、形象同歌都應該係夾。」杜自持也表示有邀請周慧敏來睇騷，而對方也表示會來。
黃凱芹與杜自持相隔20年再一起開騷。
黃凱芹與杜自持再一次合作表示好有意意！
音樂人杜自持笑說屆時可能會唱兩句。
黃凱芹透露都想找好友周慧敏一起開騷。
黃凱芹與周慧敏在電台年代已經合作無間。
雖然周慧敏宣布不再開大型演唱會，但黃凱芹表示若3人一齊開騷會好有火花。
杜自持表示有邀請周慧敏來睇騷。
周慧敏也表示會來！
著名音樂人杜自持
黃凱芹最近任《中年3》評審，他指TVB在兩個月前已有找他。
因此相信不是頂替伍仲衡。
杜自持坦言與黃凱芹再開騷，回憶即刻「返晒嚟」！
任《中年3》評審否認頂替伍仲衡
另外，提到黃凱芹擔任《中年好聲音3》評審，他指兩個月前TVB已有找自己，但因當時正在內地巡迴所以夾不到時間，而最近因巡迴地點相近所以能參與做客席評審，但自己並非每一集都有份，也相信自己不是頂替伍仲衡：「既然已經係兩個月前接洽過，我相信同佢冇關。」而他也大讚參賽者水準高，但做評審最難的就是要婉轉地講對方缺點。
