江若琳（Elanne）早前在尖沙咀彌發生車禍，座駕轉彎翻側失控。江若琳發生車禍後，今日（26日）她首度現身公開活動，於工展會獻唱歌曲。
感受人間有情
她坦言發生車禍時不敢相信眼前所發生的事，本身並非新牌仔，擁有駕駛經驗十年，港九新界地區也曾駕駛過。她說：「剷上安全島有啲搶軚，因為想避開啲嘢，架車大架翻側咗！當時即刻睇自己有無事，即用P波解開安全帶，以最快速度喺天窗逃離架車。」談到可覺人間有情，她直認不諱，現場好多男士前來迎救，其實自己經已逃離出車外，但一班男士很專注，感覺很Warm。
覆慰問訊息覆足3日
談到座駕是否已報銷，以及可需扣分？她表示交由保險公司處理。談到可需再上駕駛課程，她笑言不需要，因為自己不是沒有駕車經驗，只是意外，但自覺幸運，因為車禍前把兒子接返家。她說：「依家對駕車有陰影，要時間克服，暫時由老公做司機，我合埋眼就想起事發經過，仲有發惡夢，但幸好無受傷，只係chok到撞親個頭。」談到發生車禍後是否嚇親朋友，她坦言發現很多朋友關心自己，回覆訊息也覆足3日。
望囝囝長大後無「江若琳灣」
談到早前一家三口到日本旅行散心，江若琳表示主要陪伴囝囝玩，就算搭飛機也沒有扭計，今次之行好疲倦，第一次到東京沒有行街同吃拉麵，主要陪伴囝囝玩。提到老公在社交網跟她示愛，指依然好冧她。她笑說：「我都好冧！ 老公個人好正能量，發生車禍時第一時間打畀佢，佢叫我唔好緊張同唔好唔開心，佢話爭啲無咗老婆，覺得平安是福，希望2025年唔好太多呢啲經歷。」屬兔的江若琳，直認今年犯太歲，原本覺得自己很好，既出新歌又簽公司，豈料不要亂講，多謝上天庇佑，大難不死必有後福。提到銅鑼灣有個「姜濤灣」，但她發生車禍地點變成「江若琳灣」。江若琳笑言好多人打完咭Tag給她，感覺有點尷尬，希望囝囝長大後沒有「江若琳灣」。
