有網民在大埔富善體育館一部飲水機斟水，發現水機出黃色水，他在社交平台發帖表示：「如果我冇睇到，斟完水直接飲，可能就醫院見。」引發網民關注熱議。
該網民在社交平台Threads發帖，並附有水機出黃水的實拍片，如下：
大埔體育館飲水機出黃水 事主：「直接飲可能就醫院見」 康文署咁回應：↓↓↓↓
事主在本月11日發帖並附有實拍片，影片看到事主用水樽在水機斟水，該水機顯示8月8號換芯，水機流出的水，目測未有發現異樣，但當斟滿水後，整樽水拿起一看，卻見樽內飲用水為淺黃色。
事主在帖文中無奈表示：「有陣時人其實好易死，如果我冇睇到，斟完水直接飲可能就醫院見，有冇大神知道點解啲水係黃色。」
帖文引發網民熱議，有曾任職康文署體育館的職員留言推測原因，他指，正常一個濾芯，廠方預設可以用一年，部門指引是半年換一次，片中看到該水機濾芯8月已換，尚有兩個月才須要擔。
「……你支水咁黃，睇黎唔太正常」
他指出：「……你支水咁黃，睇黎唔太正常，一係水機出問題要整，一係個場每朝開工無放水除沉澱物。」他表示，他在體育館工作時，會要求員工「每朝放水7-10秒」，他建議事主向體育館主管報告事件。
有網民表示，好彩事主用透明樽，才不致誤飯黃水，，「……都係自己屋企帶水最安全。」
康文署：已即時暫停使用相關飲水機
康文署發言人回覆《星島頭條》查詢時表示，本署一向十分重視轄下飲水機供水的情況，並與相關工程部門緊密協作，致力確保飲用水符合衞生標準。
現時富善體育館內共設有4部飲水機，場地職員一直嚴格按照指引巡視及保養飲水機。按相關規定，飲水機濾芯需每半年更換一次，而該體育館的飲水機剛於今年8月更換濾芯，並剛剛於今年12月初完成每3個月一次的清洗食水缸工作。
場地職員於今年12月12日曾發現飲水機供水呈現淡黃色，已即時暫停使用相關飲水機，以及通知工程部門跟進。
在工程部門全面檢查飲水機及更換濾芯後，確定系統有效運作，場地職員已於翌日（12月13日）重新開放飲水機供市民使用。
同場加映：香港仔茶記疑收「飲水費」 熱水冰水收呢個數 店家咁解釋：有不得已苦衷：↓↓↓↓
