香港郊野不時有野豬出沒，搶走行山人士的食物，甚至連市區亦有牠們的蹤影。近日有網友在threads發文，指有一名少女在飛鵝山睇日落期間，突然有野豬出現並搶走其背囊，同行的男性朋友立即衝落斜坡，與野豬上演一場「人豬大戰」，非常牙煙。雖然男子最後成功奪回背囊，但離開前竟用硬物抽擊野豬，隨即被大批行山人士喝罵。
有網民於社交平台threads發文，指上周六（11月30日）在飛鵝山睇日落，指當時現場聚集不少行山人士，其間有一名操普通話的少女坐在路邊進食，未幾有一頭大野豬出現並搶走少女的背囊，同行的男性朋友立即尾隨衝落斜坡追截，火速從野豬手上搶回背囊，周邊的人亦不斷表示：「小心呀，沒關事，好可怕」。
男子將背囊拋上行人路後，竟隨手拿起硬物扑向野豬，毫不畏懼野豬會進行反擊。現場有人立即出言喝止，甚至表示：「佢肯定未Ｘ俾野豬咬過呀！」發帖的網民亦表示：「佢哋講普通話可能係大陸人，所以唔知道唔可以喺野生動物面前食野啦」。
多名網民隨即在帖文下留言，指野豬被食物吸引才會進行搶掠，既然事主已搶回背囊，應該讓野豬自行離開，不應該再出手施襲，「香港嘅山係他們嘅家，客人嚟到反而打主人，有病嗎？」，另外亦有人指野豬一般不會主動襲擊人，傷人事件很多時因受驚所致，適當的威嚇是必須，但不應該主動挑釁及攻擊，「其實冇主動攻擊，佢淨係搶走咗個背囊又拎得返已經好好啦」、「個山頭野豬住開，而家係人類去打擾佢哋」、「仲要出手打野豬，自己找死」、「你可以攞完個袋作勢嚇走佢就算，佢咬住嘅就唔好扯番。」。
翻查資料，飛鵝山不時有野豬出沒，有網民表示該區的野豬以前是「河水不犯井水」，但近年「已經進化到痴咗線」，懂得從草叢衝向人群，之後再走近背囊覓食，呼籲其他行山人士要保護自己的財物。
