【中年好聲音3／伍仲衡／海兒／周國豐／肥媽／張佳添／車婉婉】TVB歌唱節目《中年好聲音3》的選秀戰目前進行得如火如荼，香港賽區、大灣區及新馬區60強選手進行大混戰，當中不乏唱得之人，演出過後都成為網上熱話。今屆評審陣容除了原有班底外，增添了不少新力軍助陣，其中「90後」的海兒成為網民新寵，一舉一動都受關注。
海兒被封為「女高音女神」
被封為「女高音女神」的海兒，日前接受YouTube頻道「豐陳三俠」的訪問，主持之一的周國豐表示當日海兒為《中年3》做了4集評審，結果收視全升，海兒笑說：「其實我係好緊張，不過係一個好好嘅學習機會，可以喺唔同嘅觀點與角度去認識流行音樂。我唔會當自己係老師，反而偏向交流，始終呢方面好主觀，大家追求嘅嘢都唔同。」
相關閱讀：中年好聲音3》評判海兒撞樣蓋鳴暉？擁甜美外貌魔鬼3D身材 10年前舊照流出
「90後」海兒成為網民新寵備受關注：
海兒原來一日只食一餐
《中年好聲音3》的評審陣容除了有固定班底肥媽、張佳添、周國豐和伍仲衡外，曾邀請不少新力軍助陣，在比賽初期，找來曾在海選做評審的「女高音女神」海兒擔任評審，結果只有27歲的海兒憑甜美的外貌，再加上23吋小蠻腰及極豐滿上圍火速成為網民的新寵。日前海兒為YouTube頻道「豐陳三俠」擔任嘉賓，接受主持周國豐、陳淑蘭和陳淽菁（前名陳芷菁）的訪問。在節目上，陳淑蘭大爆原來海兒一日只食一餐，搞到周國豐和陳淽菁一臉莫名奇妙，海兒笑說：「我喺英國返嚟就一日食一餐，我媽咪都係一樣，爹哋同家姐間唔中都係。朝早起身會飲水或者齋啡，如果嗰日覺得需要多啲能量，就會飲杯蜜糖水。」
海兒與親姊顏值同樣高企
海兒還說：「我主要都希望盡量可以瘦啲，始終要上鏡，盡量食健康少少。我最初係冇咁注重營養，但係而家係均衡，如果約咗朋友都會食兩餐。」三個主持人聽完都覺得辛苦，陳淑蘭更笑說：「咁我唔妒忌妳得23腰。」海兒再解釋：「喺英國最肥試過130幾磅，而家係人生最瘦有112磅，近排要上鏡，所以會再健康少少，我仲專心學化妝，得閒試吓點樣化先令自己上鏡係最靚，全部妝都係自己化。」海兒的親姐今年成為人妻，兩姊妹的顏值同樣高企，絕對是平分春色。
相關閱讀：中年好聲音3丨伍仲衡疑窒猛料美女評審海兒「好深呀你講啲嘢」 網民：唔需要咁寸
中年好聲音3丨伍仲衡暗寸海兒引批評？
海兒坦言拍拖同事業兩樣並存
感情方面，海兒坦言拍拖同事業兩樣都想：「如果佢唔畀我做嘢，呢個就係唔適合嘅人。我仲覺得要有共同興趣，打機係其中一個，最重係畀我做鍾意嘅嘢，對我嚟講，結婚係睇時機，我本身對結婚冇憧憬，而且仲好不孝，我試過同媽咪講只係希望得兩個人，唔想有太多儀式，或者喺海外，等啲朋友有藉口唔嚟。」
海兒強調絕對是百分百的香港人
海兒從小學音樂，已考獲皇家音樂學院八級鋼琴考試、八級聲樂考試，並獲得優異（Distinction）成績，長大後擁有香港演藝學院音樂榮譽學士學位，其後在倫敦皇家音樂學院碩士畢業，專攻領域是「女高音」。不少網民對海兒的背景相當有興趣，她大方地表示全名叫做陳海兒，還笑稱曾有不少人懷疑過其血統，惟她強調絕對是百分百的香港人：「我婆婆嗰邊係客家人、我爸爸嗰邊係潮州人，但我阿爸、阿媽都係喺香港出世長大嘅。」
