憑TVB歌唱真人騷《中年好聲音2》而爆紅的譚輝智，從參賽至今一直人氣高企，吸納了不少女性粉絲，連拉姑狄波拉都被「迷倒」，成為歌迷會永遠榮譽會長。原來譚輝智曾經直接向求證過狄波拉求證：「你個仔咁出色，點解會鍾意我？」譚輝智亦罕談與太太相識經過並說：「佢吸引我嘅地方唔係外表。」
相關閱讀：譚輝智生日會狄波拉老公「踩場」表情成焦點 胞妹激罕現身仙氣不遜色過阿嫂
譚輝智憑《中年好聲音2》爆紅：
「星媽殺手」譚輝智每次出現，身邊總會見到狄波拉（拉姑），不少好友大爆狄波拉是超狂迷，每條譚輝智比賽唱歌的片段，可以重覆看30至40次。連網民都笑言狄波拉對譚輝智的關注程度，可能超越兒子謝霆鋒。日前譚輝智接受商台節目《星光背後》的訪問，譚輝智坦言曾直接向拉姑求證：「我第一日已經問佢，『你個仔咁出色，點解會鍾意我？你係鍾意個節目，唔係鍾意我』，但係佢話兩樣都鍾意，仲話『鍾意我唔係因為唱歌，就係你咁嘅款都夠膽死走上台』。」
除了狄波拉外，譚輝智的太太亦是「星級粉絲」，一直在身份為老公打點，而且因五官精緻，散發仙氣，被網民指她與天后陳慧琳撞樣。譚輝智亦罕談與太太相識經過：「我哋由相識到而家一齊咗10年，嗰陣係朋友介紹，大家了解咗幾年先一齊，佢吸引我嘅地方唔係外表，而係性格。佢好似家姐咁照顧人，尤其住呢啲，感覺好似大姐姐，呢樣真係好正。我哋係好天然咁一齊，冇示愛嗰樣嘢，玩吓玩吓就一齊。」
譚輝智生日會狄波拉老公「踩場」？
譚輝智在2018年與太太結婚，他坦言太太是一個非常適合做另一半的人選：「反而我要問返佢，我係咪一個適合嘅人選。嗰陣我已經幻想同佢結婚生小朋友，係一個好perfect嘅女人，佢每做一樣都好投入，佢照顧家庭同小朋友都係一樣。」兩人婚後很快便生小朋友：「我希望可以睇住啲仔女成長，所以做每一樣嘢都加速。」至於老婆會否擔心加入娛樂圈後，會像「中二生」 鄭梓浩般惹來狂蜂浪蝶，譚輝智笑說：「太太睇到我咁嘅樣，都應該唔會有狂蜂浪蝶，我諗佢都好放心！哈哈！狂蜂浪蝶，從來無喺我身上發生過。」
其他文章：
譚輝智罕晒與5歲女合照！出身富裕不靠父蔭 一原因被笑指借女吸金？
中年好聲音3丨譚輝智家人參賽！揭家庭聚會最愛做一事 曾多次參加歌唱比賽自認唱得
譚輝智再獲拉姑撐場 不想扮女人但可扮曾志偉 想衝出亞洲挑戰長途機飛美加
