39歲的張致恒（Steven）一個人養五個人，面對長期財困，老婆區燕雯（雯雯）經常在IG放負呻窮。為了搵真銀，張致恒早前隨同門的吳浩康轉行做職安真漢子，他考獲「平安卡」做地盤工作，還以為財政得以改善，豈料雯雯日前在IG發文呻出糧日期有變，交唔切租！張致恒由地盤疑似轉行做渠務處外判工程的打雜，日薪800元至900元。今日（1日）張致恒又再在IG發功，貼搵工post，但只限於星期日的part time，而吳浩康卻在IG疑似暗寸張致恒「人各有志，無謂強人所難」。
相關閱讀：張致恒有新工？疑似轉行做渠務打雜日薪曝光 地盤糧期不準被老婆炮轟
張致恒搵星期日兼職post：
張致恒日前疑似轉行做渠務處外判工程的雜工，日薪僅800元至900元。一個月開足25日月薪也只得約22,500元，薪金的確難以應付一家六口，還有愛犬的支出，所以他發奮做人，星期日的假期也想開工搵錢。今日張致恒在IG的限時動態出搵工post，他表示：「想問下有冇星期日嘅part time工作？淨係星期日」。
張致恒份份工都做唔長？
吳浩康隔空暗寸
吳浩康經常被用來跟張致恒比較，但吳浩康一職多兼，可養妻活兒外，他深明花無百日紅，就算有歌手及廣告的收入，他都不會鬆懈，繼續返地盤做搭架工人，他早前拍片說：「自然要追求個穩定的生活同收入，所以我繼續向工程界發展，繼續開工……」他早前更有鬆動錢去了布吉及澳門旅行，且從沒有如張致恒般向網民做伸手派。他昨晚（31日）在IG的限時動態貼文，疑似隔空暗寸「人各有志，無謂強人所難」，同門師兄弟，同樣由歌手轉行做地盤工人搵血汗錢，但一個經常在網上做伸手派出救濟post，另一個則自食其力，真的人各有志，目標不同。
其他文章：
張致恒細仔一歲生日晒全家混亂合照 變瘦嘆辛苦但好過唔知為乜生存 自豪天樂混血樣最相似
