公院半年內發生兩宗插錯鼻胃喉事故。繼伊院今年6月有病人鼻胃喉插錯肺部後，東區醫院一名76歲男病人周三（9日）被發現鼻胃喉錯誤置入肺部支氣管，目前仍留醫深切治療部。病人政策連線主席林志釉接受《星島頭條》網查詢時批評，公立醫院短時間內再度發生插錯喉事故，令人難以接受，「上次話係實習醫生經驗不足，今次又話係實習醫生誤判，真係令人接受唔到。」他認為事故反映插鼻胃喉的X光檢查屬高風險程序，因為經驗不足容易睇錯，有關程序不應由資歷較淺的實習醫生負責。
林志釉表示，上次伊利沙伯醫院插錯喉事件，院方成立根源分析委員會檢討，建議檢視目前鼻胃喉放置指引，高危病人放置鼻胃喉後應先進行X光檢查再輸送營養液，同時加強對實習醫生的監督及培訓，由主診醫生覆檢X光結果。他認為今次再度發生事故，正正印證上次建議未有落實，「上次明明話會加強督導同培訓，要睇住佢有冇做錯，咁點解今次仲會出事?」
他批評醫院未有落實改善建議未，將責任推卸到實習醫生身上，「估計今次事件對佢打擊都好大，睇時間可能佢都係實習咗幾個月。」他又質疑院方無解釋為何酸鹼度測試等未能反映結果。
他指插鼻胃喉屬高風險程序，「一係落胃，一係落肺，落咗去個肺度後果好嚴重。」認為不應由資歷淺的實習醫生進行，「佢哋初嚟甫到，都可能無睇過幾多張片，要佢哋孭飛其實唔適合。」他又指暫時未有病人家屬接觸他，若收到會盡量提供協助。
