27歲TVB新晉小生孔德賢曾因感情風波一度沉寂，今年終憑主演的劇集《本尊就位》獲關注。原來孔德賢在過去一年非常努力考取各種駕駛執照，昨日（8日）在社交網公開成果，並且分享考牌感受。
相關閱讀：陳瀅初一返加國度歲會圍住桃花行 孔德賢想學烹飪搵結婚對象
孔德賢考多個駕駛執照傍身？
孔德賢昨日在IG分開多張照片，當中見到有電單車牌、的士牌、重型貨車牌，還表示正在準備考掛接車輛車牌，是學習駕駛貨櫃車，獲不少網民羨慕孔德賢考車牌如儲印花。孔德賢表示：「經過一年嘅考車生涯，終於接近尾聲啦！大家睇我IG或者同我傾偈都知，呢一年入面我好多時間都係學車、考車、上堂，不斷考唔同嘅車牌，我宜家有嘅車牌1、2、3、4、5、9、10、18、19、22」。
孔德賢叮囑要溫書
孔德賢透露不少車牌都是「1 take pass」，雖然未有承認有駕駛天份，還感謝教車師傅，但孔德賢不忘分享每一種車牌的考試心得。孔德賢先講的士牌：「我第一個考到嘅就係的士牌（6號），呢個牌係要花最多時間去溫書，因為整個考試都係筆試，只要你有私家車牌（1a）。Part 1嘅考試內容係的士規例，一啲做的士司機嘅守則。」
孔德賢密集式溫書
孔德賢續指Part 2考試的內容比較複雜：「佢會比一個建築物名你，要你講返條街名。又有一part係俾兩個location（地點），考你用邊條路線係最短距離。Part 3，就係道路使用者守則，即係考車最基本嘅筆試進階版。經過我一個期嘅密集式溫書，最後成功用咗45分鐘，就考晒成個試，最終1 take pass，好彩我有去上堂，如果唔係都唔會記得咁熟。」
孔德賢一度被考起
之後孔德賢講重型貨車牌：「第二個考嘅牌就係重型貨車牌（19號）即係大家係街見到嘅垃圾車／運魚運菜車嘅size。呢架車必需係棍波操作，而且上落波個陣要用兩下極力子（離合器），同埋係考試路線會出現用兩條線轉彎嘅情況，因為架車太大，所以真係考起我。再加上掉頭泊位係需要5手掉頭，比起私家車嘅3手掉頭難好多。好彩師傅好細心咁教我而且又要就我時間，成功1 take pass。因為考到19號牌，所以就自動有埋中型貨車牌18號。即係話宜家大家街上面見到嘅貨車我都識揸啦」。
孔德賢考大巴原因
孔德賢提到考私家大巴及公共大巴的原因：「第三個考嘅就係9號10號，私家大巴／公共大巴。因為我考咗19號牌嘅原因，考試路線大同小異，而且車身又比重型貨車細，同埋用3手掉頭，所以上咗幾堂又輕鬆1 take pass，即係大家喺街見到嘅小巴／巴士我都可以揸啦」。
孔德賢稱熟能生巧
已多次在IG出PO晒電單車相的孔德賢，表示電單車牌是其第四個考取的車牌：「第四個考嘅牌就係電單車牌（3號，22號）即係棍波電單車加自動波電單車。呢個牌我都覺得幾難，因為電單車嘅操控同其他車實在太唔同，轉波同轉彎都兩件事嚟，不過都係熟能生巧。考完強制試我就去搵咗師傅學車，最難嘅斜路8字都比師傅輕鬆拆解，教我邊啲位要做啲咩，令到我覺得斜路8字比想像中簡單。最後輕鬆1 take pass」。
孔德賢學揸貨櫃車
而孔德賢目前報考的第五個車牌是貨櫃車的掛接車輛（20號），由於仍在學車中，他表示之後再分享。孔德賢未有透露純為興趣，還是為未來鋪路，考多幾個車牌傍身，不過他成為駕駛學校的代言人，都算是雙贏。
相關閱讀：TVB小生驚爆「受傷」呆坐馬路中心 雙目無神大叫辛苦都冇人幫？
孔德演出作品：
孔德賢2019年畢業於香港理工大學建築工程及管理學系學士課程，卻放棄做工程師，而入娛樂圈。孔德賢於2017年加入J2節目《#後生仔傾吓偈》，2020年正式開始拍劇，去年播出的《你好，我的大夫》是孔德賢的代表作。
孔德賢曾鬧感情風波
只是孔德賢因2020年與廖慧儀分別在各自的社交網上載行山相疑洩密，女方的前男友Sam疑受情困離世，孔德賢鬧出感情風波後形象插水，雖然與廖慧儀劃清界線，回應二人是普通朋友，沒有聯絡，但已影響事業。
24小時求助熱線︰
生命熱線︰23820000
明愛向晴熱線：18288
東華三院芷若園熱線︰18281
社會福利署熱線︰23432255
利民會《即時通》：35122626
撒瑪利亞會熱線(多種語言)︰28960000
香港撒瑪利亞防止自殺會熱線︰23892222
賽馬會青少年情緒健康網上支援平台「Open?」：www.openup.hk
醫院管理局精神健康專線(24小時精神健康熱線諮詢服務)：24667350
相關文章：
本尊就位丨謝東閔拍完劇就病同「𡃁坤」撞聲 孔德賢首演男主角有壓力
