溫拿樂隊成員之一、縱橫娛樂圈半世紀的陳友的太太早年曾患重病，陳友曾表示時當時醫生稱太太全身都是癌細胞，生命正在倒數中，眼見太太受盡折磨，自己又愛莫能助，當刻非常內疚和自責，幸好最後出現了神跡，總算康復。日前陳友接受胡楓的網上節目《修哥萬花筒》的訪問，重提與太太經歷，陳友坦言要感恩之餘更要珍惜眼前人。
相關閱讀：70歲陳友太太激罕現身！艷麗樣似足吳家麗 曾患重病三部位變黑險死
陳友罕談婚姻生活：
陳友和黎瑞恩首次演出的音樂劇《娛樂圈夫人》將於12月公演，連日來陳友忙於為音樂劇做宣傳，這個音樂劇的藍本是陳友與太太的故事。日前現身胡楓的網上節目《修哥萬花筒》接受訪問，陳友在90年代北上發展，一做就做了20年，不過因為太太患了重病，令到陳友的人生觀出現了轉變，陳友說：「如果你望住一個女人，突然間發覺佢默默等咗你40年，但係突然間發覺佢要死喇，嗰種難過係令我改變好多。」
陳友因太太患病改變一生
陳友還說：「70年溫拿年代，經理人話唔好影響啲粉絲，所以唔畀佢出嚟，到咗80年代，我去咗拍電影，咁啱太申請咗移民去美國，我咪安頓好佢之後，返嚟繼續拍戲，差唔多10年之後，太太返咗嚟香港，不過我又返去內地發展，頭嗰10幾年喺北京，之後去咗廣州，喺廣州嗰陣我做『二五仔』，即係星期二上去星期五返，去咗北京之後，有一次撞啱沙士，嚟二個月都出唔街，所以咪冇再上嚟。」陳友續說：「我哋咪一路各有各過自己生活，直到佢病咗，醫生話佢得番幾個月命，我先至覺得人生唔係要嗰啲嘢，一個女人等咗你40年話要走，個心真係好唔舒服。」
胡楓大方「認戀」89歲羅蘭？
陳友見妻受盡折磨感內疚自責
陳友多年曾經訪問上提及太太在2013年曾經患上重病：「醫生講我太太全身都係癌細胞，肝又有一個五厘米嘅惡性腫瘤，係好晚期，快則幾個星期，慢則兩、三個月，我嗰刻感覺跟死亡好接近。」陳友眼見太太受盡折磨，自己又愛莫能助，當刻非常內疚和自責，陳友立刻帶太太四出尋覓名醫，但情況未見好轉：「我當時見太太塊臉、手指同手心都係黑色。我都知佢痛、好辛苦！一個陪自己成長嘅人，病成咁，真係好難過，係我人生嘅最低點。」
陳友在太太康復後珍惜相處
後來陳友找來蔣麗萍為太太一齊祈禱，當時陳友跪在太太的病床旁邊祈禱，一邊祈禱一邊喊，好希望能夠補償過往失去的日子。當晚之後，隨後醫生突然告之是診斷錯誤，病源並非在肝，而是血癌的一種，最終用標靶藥成功治療，神奇地慢慢打敗病魔，最終成功康復，經歷過後，陳友決定全家人齊齊整整生活，好好珍惜相處，不再留遺憾。
其他文章：
溫拿演唱會｜鍾鎮濤19歲女鍾懿獻唱冇丟架 陳友三代同堂Jam歌孫仔女萌爆
