(曾智華)
睇電影，我有無窮熱愛，但卻非每類片皆入場，部分有先天抗拒也。例如政治主旋律電影、古裝片（中外皆如是）、卡通動畫、Cult片 及真人演出的漫畫英雄片，例如Marvel一類。冇乜對與錯，或品味高與低，總之就不是我杯茶，勉強入場也會中途拜拜。
早幾日又試一次，中到應。近兩周冇乜戲想睇，因多數是動畫，本地製作亦冇新戲，只有上開的繼續上。上網查每條線放映的，密密麻麻皆《死侍與狼人》，唔睇就冇戲睇。
心諗院商永冇死錯人，若套戲唔得，點會排到咁密？美國開畫即收到 聲，全球走勢也如是，好，又入戲院睇睇點解咁勁？
一開場竟聲明三級，唔夠十八歲請離場，否則 ！乜英雄片會是三級？
五分鐘之後完全明白，粗口滿天飛，你殺我，我斬你，鮮血及肢體滿天飛（包括頭顱也如是）。咦，與我想像中大義凜然正氣到爆的傳統美國英雄，完全不同，點解會咁？
更離奇，此片屬廿一世紀霍士之作，而迪士尼則收購 佢，咁 咪與「迪記」賣開的傳統優質文化及形象大衝突？點解咁都得？後來才知，原來正氣英雄變粗口佬爛撻撻加血肉橫飛好收得。
小弟睇的是全聲版，成間戲院嘈到飛起，椅也會震，非常勁，不過 真係唔知點解，如此吵鬧又刺激到爆的電影，竟帶我見睡魔，十五分鐘後沉沉入睡（睇早場冇理由 的呢），半小時後凍醒，MOKO戲院為乜似雪房？
當機立斷，既非自己杯茶，立即起身走人，改去歎廣東茶。落商場二樓「小皇府」，叫齊蝦餃腸粉牛肉棉花雞，再 碗及第粥，身體才慢慢變暖，舒服晒。下次再聽見Marvel，就咪再搞阿叔啦。
