上周大賽後，資深馬迷飯局，一致的話題——兩隻馬王玩完未？正是「加州星球」及「金鎗六十」。前者在千二米的「主席短途獎」輸個半馬位，後者更輸三個多馬位，顯示兩匹馬與勝出的「賢者無敵」及「永遠美麗」，根本無得揮。
馬場乃英雄地，騎練如是，馬匹更如是，過了巔峰後，極難反彈，後浪必定推前浪。
兩匹之中，「加州星球」仍可 暑後再試千六米，但肯定下季將是退役前最後一季。
「金鎗六十」又如何？小弟認為快畀佢老人家到外地頤養天年啦。八歲了，跑足三十一場，替馬主贏 一億六千七百萬元獎金，你仲想佢點？講句難聽，再硬跑下去就是「虐畜」！
其實馬王「浪漫勇士」也應到了競賽生涯頂峰，以後日子將慢慢滑落，六歲了，相信麥道朗也心\xf9埵頃A故今次辛辛苦苦捱到尾後，激動到眼淚直流，呢場贏得相當辛苦，肯定有排 才能回氣。
上周日有單判決，小弟的「賽馬小組」一致唔忿氣。係乜？正是騎師梁家俊被指未有在最後二十五米力策「維港智能」至終點，梁家俊認罪，判罰四萬元。
我 不忿，並非認為梁家俊唔抵罰，而是競賽小組所指出的問題，過往在兩大騎師「軟硬鞭」及「伸縮文」身上，出現不知凡幾。佢倆經常到最後一百米掃兩鞭，若馬匹無大反應時就即「收工」，不再爭取「最佳名次」，點解唔見佢 被罰？
明日舉行今季最後一項大賽「皇太后紀念盃」，跑二千四百米，唔使度 ，一於用「將王」做二重彩複式膽。佢今季次次上陣皆在混吉博減分，為的在等這場見真章，一於腳拖「多巴先生」、「錶之五知」、「發財先鋒」及「難以置信」，八十蚊投注。
