![](https://media-proc.singtaousa.com/photo.php?s=https://media.singtaousa.com/wp-content/uploads/master/2024/05/2024050318401970451.jpg&f=jpeg&w=815&q=75)
MIRROR完成新加坡演唱會後,前晚(2日)回港,休息一晚後,盧瀚霆(Anson Lo)昨日(3日)現身商台接受《叱咤樂壇》訪問,為新歌《深閨》做宣傳,當中除分享幻想中的求婚方式、大爆Jer (柳應廷)在巡唱中擔任導遊角色,更預告MIRROR 將分小隊出歌。
![主持特意將直播室移師到一個很舒適、很有「家」感覺的直播室。 主持特意將直播室移師到一個很舒適、很有「家」感覺的直播室。](https://image.hkhl.hk/f/1024p0/0x0/ll/sthl/bb65c238c3d1f34fca4c824e833b69e8/2024-05/WhatsApp_Image_2024-05-03_at_16_25_12.jpeg)
![設有香薰、梳化、毛公仔等,AL直言有8成似佢自己屋企。 設有香薰、梳化、毛公仔等,AL直言有8成似佢自己屋企。](https://image.hkhl.hk/f/1024p0/0x0/ll/sthl/c84f3c4c5497ab7139b394fb9ec00c1c/2024-05/WhatsApp_Image_2024-05-03_at_16_25_13_1_.jpeg)
![跟主持一齊大合照。 跟主持一齊大合照。](https://image.hkhl.hk/f/1024p0/0x0/ll/sthl/9b80b9db35b4bb01d7c83d8a78d2190e/2024-05/WhatsApp_Image_2024-05-03_at_16_25_13.jpeg)
![Anson Lo表示平時回家第一時間就是除晒衫,去浸浴,沖完涼有時就會飲杯酒、拉筋、間中聽吓R&B歌, Anson Lo表示平時回家第一時間就是除晒衫,去浸浴,沖完涼有時就會飲杯酒、拉筋、間中聽吓R&B歌,](https://image.hkhl.hk/f/1024p0/0x0/ll/sthl/0c5cce931325a4aac2ccd5b961dd313e/2024-05/WhatsApp_Image_2024-05-03_at_16_25_14_1_.jpeg)
切合AL 的新歌,主持特意將直播室移師到一個很舒適、很有「家」感覺的直播室,設有香薰、梳化、毛公仔等,AL直言有8成似佢自己屋企,更表示平時回家第一時間就是除晒衫,去浸浴,沖完涼有時就會飲杯酒、拉筋、間中聽吓R&B歌,並謂曾因聽歌被鄰居投訴。經常被質疑廚藝的AL,更表示自搬新居後,未試過用屋企的爐頭及廚具,多數都是叫外賣,「叫外賣都係自己開門拎既,但通常我都係開門伸隻手出去,唔會見到樣」。
AL 表示由細到大向來都「深閨」,但入行後更加誇張,「入行都踏入第六年,有時做嘢好大壓力,好驚自己每一下言行舉止會得罪人,或者今日表現好唔好?每一刻都好難放鬆,所以返到屋企最自在。平日做完嘢,司機哥哥都會問我仲有冇地方想去,我都即刻話係返屋企。」
《深閨》歌詞其中一句「你再別上班 專心纏綿,你再別社交 請給我獨佔」,AL坦言在愛情路上也是這樣:「我唔會要求佢唔好出街、唔返工、唔見朋友,但如果佢咁樣做我唔mind ,唔會講出口,但心裏面都會諗如果你成日痴我多啲就好。我自己係一個缺乏安全感嘅人,好易亂諗嘢,所以痴多啲,我就會冇咁多嘢諗。」他更表示暫時未試過check人電話,如對方主動報到,他會好開心。
至於拍拖會否公開?他坦言如現階段拍拖未必會公開,視乎關係是否穩定成熟,確認這個人是可以長遠發展才會公開,否則分手後又要交代,覺得很不成熟。提到歌詞中「拒絕再做凡間千人迷」,AL 表示在錄音時唱到這句不禁流淚,但冷靜10秒後很快便回復情緒:「呢一兩年間唔中都會諗,其實係咪唔適合做呢一行(遇到咩困難? )我諗係大家惡意嘅言論或者係俾人誤會,冇辦法可以澄清,所有壓力,我入行本身想俾正能量同開心大家。」他坦言這一種感覺還未有疏離,並表示遇到負面情緒時,亦會自己匿埋屋企喊,但近來這種情況亦少了 。
MIRROR 近月做了多站巡唱,被問到12位子當中誰是導遊,AL毫不猶豫說是柳應廷(Jer) :「我哋搭緊車去下一站酒店,佢已經search緊附近有咩餐廳名勝等等,然後就會講幾點出發,邊個參與?」相當搞笑。他更笑言巡唱最掛住是一碗沙嗲牛肉麵:「因為自己本身好鍾意食茶餐廳嘢,炒飯炒河,平時諗唔到食咩,最後都係食沙嗲牛肉麵,我係外賣Expert。」並指在巡唱中,對兄弟們的生活習性了解多了,謝茜嘉即叫AL爆料, 他就笑言:「阿Jer好易肚痛,但最令人嬲嘅係佢肚痛,但係又繼續食,令人好擔心嘅一個細路仔」。
MV中有一個鎖出現在橋上,原來這個鎖與神徒有關AL表示:「其實呢幾年我自己見到鎖,都會諗起神徒,因為第一年喺韓國拍Mirror go,我喺一個鎖上面寫咗神徒同我個名,寓意大家一齊走下去,過咗五年大家都仲記得,所以今次MV呢個鎖都代表同fans之間嘅聯繫。」
AL推出《深閨》前,原本是想出一首求婚為主題的歌曲,被問到他有沒有想過如何求婚,他表示:「我有諗過自己有一日會求婚,唔會係好浮誇,淨係兩個人,件事係好cozy,可能係煮下嘢食突然求婚,會有一啲小驚喜,但唔係大龍鳳。」
被問到下首歌會是什麼類型?向來是「劇透Lo 」的他,即欲言又止表示《深閨》可能會有一個延伸版,歌詞、唱法有少許改動,唱嘅人有少少延伸。至於團隊方面,他大賣關子表示會分小隊出歌:「嚟緊MIRROR會分幾個小隊一齊出歌,但未confirm嘅,或者完成澳門站演唱會先會開始去籌備,但係小隊幾肯定係好有驚喜,我初初睇到個組合都大聲「嘩」,諗唔到做啲咩,但嗰啲小組係好有趣。」
最後,AL再次感激神徒五年來一路以來的支持,並《深閨》在這個神教的大家庭裏,「希望你哋以後嘅日子都同我一齊開開心心、安全、守秩序、團結,唔想見到神徒有拗撬,想大家一齊團結,互相support就係我想要嘅嘢,希望你哋開心。」
而過百神徒(粉絲暱稱)得知教主上商台一早到場等候,Anson Lo約於12時20分乘座七人車抵達商台,神徒即大聲歡呼,又不斷大叫「盧瀚霆」,Anson Lo在後門下車時亦禮貌地向神徒揮手打招呼,又以手勢向神徒示意要入商台,未有逗留太耐就很快就步入商台。至下午2時30分,Anson Lo完成商台工作後從後門離開,未知是否因上次到商台工作時匆匆離開,Anson Lo今次遂一與神徒簽名合照,又不時飛吻派心心,令她們非常開心,神徒們又紛紛向他送上禮物,不過由於有大批神徒,Anson Lo亦貼心呼籲她們不要推不要迫,他會為大家都簽名合照,現場即變成小型簽名會,Anson Lo簽了一小時才完成。
Anson Lo之後應記者要求企定拍照,他表示昨晚睡了4個多小時,精神不錯,又指今日天氣涼,故穿了長袖衣服,不過和神徒互動後也覺得熱。Anson Lo昨晚回港時表示會自己煮宵夜,他笑言太累,回家沖涼後就睡了,之後亦有一些拍攝工作,亦要為澳門演唱會排舞,未能抽時間去個小旅行,不過接下來的工作都比較輕鬆,會乘機休息,而他上車離開前亦向神徒送上大心心,並揮手道別才離開。
《星島申訴王》已推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E