今晚英格蘭足總盃4強，將於溫布萊球場上演矚目戲碼，由「雙藍會」曼城對車路士。
曼城周中歐聯對皇馬，可謂贏盡形勢，但90分鐘內只能賽和對手，總比數4:4下要互射12碼，最終有高華錫及貝拿度施華射失而未能晉級，宣告歐聯衛冕失敗。重返足總盃賽場，未知身心俱疲嘅藍月戰將能否趕及回復體力，不過該隊勝在有充裕嘅輪換人選，上仗艾寧夏蘭特亦早早被換走，相信今場能夠交足功課。
夏蘭特 VS 高爾彭馬
至於藍獅今季對陣強隊表現不俗，兩次對住曼城都不落下風，加上休息時間充裕，周二英超更6:0大炒愛華頓，狀態大勇嘅高爾彭馬個人攻入4球，暫時聯賽射手榜以20個入球追平夏蘭特。兩大射手相遇，相信今場絕不會手軟。佩芝
—–
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
緊貼最新最快新聞資訊，請立即下載星島頭條App：https://bit.ly/3Q29Vow
