洪永城與梁諾妍（Inez）1歲多的囡囡洪靖嵐（Amber）精靈活潑，深受網民寵愛；而且Amber與爸爸洪泳城似足餅印一樣，被工人姐姐稱為Sir Face後，更成為Amber的別稱。早前梁諾妍到馬來西亞拍攝劇集《家族榮耀之繼承者》，囡囡也有探班，最近梁諾妍終於完工返香港，一踏入家中即獲囡囡熱烈歡迎。
【相關閱讀】：洪永城囡囡Sir Face攬實梁靖琪細仔對親家？ 首嚐榴槤一反應見證極為食
【點擊睇Sir Face迎接媽咪】：
梁諾妍最近到馬來西亞拍攝劇集《家族榮耀之繼承者》，囡囡Sir Face也有去當地探班，還大啖食榴槤，玩得好開心，不過Sir Face逗留數日已跟婆婆和工人姐姐返香港。梁諾妍昨日在IG貼片，原來已經返回香港，還拍片捕足踏入家門的一刻，見Sir Face與狗狗Molly都熱烈歡迎，Molly不斷擺尾圍住媽咪旋轉，在旁的Sir Face原本想迎接媽咪返歸，不過被Molly阻擋，無奈表情萌到爆。
而之後工人姐姐抱起Sir Face，而梁諾妍亦正式入屋坐在地上，而Sir Face亦衝向梁諾妍，終於可以攬實媽咪撒嬌。梁諾妍亦留言說：「多謝大家喜歡呢條呀媽返家片，雖然場面一片混亂，但係好溫馨💛」。
網民則留言說：「好開心同滾動嘅場面，超like😍」、「Molly興奮到失晒控😂」有人笑說：「洪爸爸（洪永城）好傷心。」不過梁諾妍則回覆說：「佢都好開心我返嚟㗎！」也有不少網民留言提醒要教狗狗Molly不要撞向年紀小小的Sir Face，以免受傷：「要教Molly唔可以撞傷Sir Face！」「Sir Face好喜歡癡住媽咪。Sir Face只有一歲幾，骨骼好脆弱，Molly是大狗，可以教它不要衝近Sir Face和撞倒她，很危險的，要好小心！」
【點擊睇Sir Face勁多得意相】：
