八両金含冤反擊 被前妻當「水魚」索錢 揭從冇要求復合丨獨家

今年7月，八両金（葉競生）被前妻八両菜（何顓彤）突然控訴家暴、出軌、吃軟飯等，更聲稱八両金罹患癌症「僅剩數月性命」，引發全城熱議。憤怒的八両金隨即透過《東周刊》公開申冤。時隔3個月，因醫療事故導致腳部重傷的八両菜陷入經濟困境，她再度指責前夫是無情無義之人，更怒斥八両金曾提出復合，卻僅願支付每月2000元作為家用，直指這是對她的侮辱。對此，八両金無奈感嘆：「我真係好辛苦，只希望今後各自生活，互不打擾。」 採訪：方騫平

八両金雖然畀前妻搞到好煩，但都要保持笑容繼續工作。

三個月前八両金向《東周刊》示範椅上壓，親證健康無礙。

八両菜再出招數臭前夫八両金。

八両菜因醫療事故搞到腳部重傷。

面對前妻連番指控，八両金接受《星島頭條》獨家訪問時苦惱回應：「又咩事有呢啲報道呢？之前亂嗡話我健康有問題，搞到好大鑊，影響到我工作……我真係唔知點講好。」他強調自己對得住天地良心並非無情無義，問題在於前妻不願配合。八両金詳細說明：「今次佢出事冇同我講過。至於年前佢話腳有事，我有問佢邊間醫院？但佢提供嘅照片中只有醫院、病床同傷腳，完全唔見人樣，更加冇透露詳情。我連邊間醫院都唔知，咁我點關心佢呀？加上我經常喺內地工作，照顧唔到佢，於是就索性提出，叫佢過嚟（內地）養病，我每月支付2000至3000元零用錢畀佢養病，屋企又有飯食，有家傭照顧，總算得到一個照應。」

八両金前妻八両菜因醫療事故導致腳部重傷。

八両菜哭訴：「只能坐喺張床度喊囉。」

有糖尿病的八両金年前治好腳患。

年前做完腳患手術後元氣大傷。

八両菜經朋友介紹光顧理療中心出事。

介紹人為梅艷芳歌迷會成員。

八両菜手尾好長。

八両菜腳部潰爛，傷口發黑深到見骨。

對得住天地良心

八両金解釋其安排的合理性：「我屋企請家傭都畀月薪$5000幾啦，工人要打理家務，但佢只係喺屋企養病，又有零用錢使，仲有人煮嘢畀佢食。你話我今日發達大把錢就冇所謂，但我仲要養仔，所以我對得住天地良心。幾十年嚟都係聽到呢啲批評，真係好無語。」

八両金和八両菜情緣已成過去。

八両金、八両仔和八両菜有多年冇同框。

近年八両金父子檔做直播帶貨。

20多年來八両金獨力照顧八両仔。

八両金的兒子多年來都好孝順。

父子相依為命。

7年前八両金帶同兒子葉小霆(前左)，到旺角西洋菜南街的行人專用區表演。

返屋企只為養病

談及過往，八両金透露前妻在20多年前離家出走後，曾從事地產行業賺得可觀收入，直到去年才轉做散工，因腳傷問題且無處棲身，只得租住劏房。八両金表示：「我見佢環境咁差，唔忍心，就嗱嗱聲畀家中鑰匙佢，叫佢返嚟屋企住，反正香港住所有妹妹同傭人，雖然佢同我冇乜關係，但始終係阿仔媽媽，就係因為呢個原因，我對天發誓，幫佢並唔係叫佢嚟復合，NO！之後佢同人發生糾紛，所以冇再返嚟，屋企仲有幾袋佢嘅衫留低咗。」

八両金最怕受健康傳言影響冇嘢撈。

八両金曾拍過星爺作品。

八両金捧張衛健場。

以後各行各路

日前八両金收看《東張西望》節目後，立即為兒子購買昨晚車票，並準備10000元現金帶往香港醫院，親自了解前妻需要何種協助。八両金同時暗示前妻始終視他如「水魚」，激動表示：「我已竭盡所能，過去佢每次回家攞錢，總係吵鬧完就走，家中傭人都係見證。有時我唔喺香港，還透過幾位好友以微信轉錢畀佢，每次3000至5000元。」語畢他沉重歎息：「我好辛苦，真係好辛苦。今世同佢一齊咗5年，佢離家出走後我冇晒家庭樂，我乜都冇晒。今日唔係我走，係佢要走。」被問及是否願意原諒前妻？八両金明確劃清界線：「今後我過我嘅生活，佢走佢嘅路，彼此互不干擾，我都唔願再多講。」