草蜢重返校園巡唱 受學生熱情所震撼 激讚勁過紅館

寰亞音樂一年一度「GROOVE GALA MA FAMILY SCHOOL TOUR」又啟動,今年校園巡唱陣容強勁,有馮允謙(Jay)、陳健安、黃淑蔓(Feanna)、雲浩影(Cloud)、樂隊Nowhereboys Boys、樂壇新人盧慧敏(Amy Lo)及舞林新星蔡浩然(Scott)等大曬冷。其中在城市大學站,有出道40年的「元祖級男團」草蜢特別演出。

草蜢助攻介紹新人Matthew

首次參與School Tour的草蜢感覺新鮮刺激,他們以《華麗舞台》打頭陣,台下學生們跟住唱,蔡一智說:「今日CityU嘅同學仔突破咗紅館第一行觀眾,因為依家紅館第一行都未必握到手。今日真係好近,一伸手就掂到!」隨後草蜢在台上介紹新面孔Matthew,蔡一智說:「佢叫Matthew,都係CityU嘅同學仔,今年Year 2。認住佢,佢啱啱簽咗我哋寰亞,做咗我哋師弟!」還叮囑他:「記住CityU有乜嘢活動,帶埋我哋一齊嚟玩。」之後草蜢演唱新歌《老的辣》,全場興奮!完場後蔡一傑說:「今日好開心可以返到校園唱歌,我哋三個都好耐未試過呢種感覺,回憶返晒嚟!」蔡一智說:「以前我哋唱好多學校騷,不過好耐無唱啦,所以好多謝公司搞咗呢個School Tour,我真係估唔到啲同學仔咁熱情。最初我以為係佢哋嘅爸爸媽媽先至會聽我哋嘅歌,估唔到一唱《華麗舞台》大家都識,仲大合唱添,好驚喜!」

蔡一傑坦言:「其實頭先喺台上我有啲緊張,因為有個唔記得咩名嘅症,總之好近距離表演時,我就會異常緊張。我今日最驚喜係台下嘅小朋友,都識我哋三個大哥哥,我好開心。啲同學仔佢哋都好開心,因為平時只會喺電視機或者喺K房先見到我哋,今日可以見到真人。」蘇志威笑言:「今日嘅歡呼聲真係聽到好開心,年輕力壯嗌起嚟好雄壯,佢哋嘅歡呼聲令我好興奮,雖然個台細細地,但同觀眾好親近,感覺同紅館一樣咁震撼,我都同喺紅館表演一樣咁落力!」而現場更有同學高舉「我五歲就追草蜢」牌,令草蜢好感動。

太近距離表演,草蜢嗌緊張。
太近距離表演,草蜢嗌緊張。

 

首次參與School Tour的草蜢,以《華麗舞台》打頭陣。
首次參與School Tour的草蜢,以《華麗舞台》打頭陣。

 

首次參與School Tour的草蜢,感到新鮮刺激。
首次參與School Tour的草蜢,感到新鮮刺激。

 

草蜢形容︰「而家紅館第一行都未必握到手,CityU真係好近,一伸手就掂到!」
草蜢形容︰「而家紅館第一行都未必握到手,CityU真係好近,一伸手就掂到!」

 

草蜢助攻介紹新人Matthew。
草蜢助攻介紹新人Matthew。

 

太近距離表演,草蜢嗌緊張。
太近距離表演,草蜢嗌緊張。

 

大合照時間。
大合照時間。

 

陳健安忘形跟出道40年的「元祖級男團」草蜢自拍。
陳健安忘形跟出道40年的「元祖級男團」草蜢自拍。

 

黃淑蔓秒變「迷粉」與草蜢合照。
黃淑蔓秒變「迷粉」與草蜢合照。

 

黃淑蔓(Feanna)
黃淑蔓(Feanna)

 

盧慧敏(Amy Lo)
盧慧敏(Amy Lo)

 

Nowhereboys Boys
Nowhereboys Boys

 

「山頂嘅觀眾大家好!」
「山頂嘅觀眾大家好!」

 

雲浩影(Cloud)
雲浩影(Cloud)

 

雲浩影落力獻唱。
雲浩影落力獻唱。

 

雲浩影有「仙氣女神」之稱。
雲浩影有「仙氣女神」之稱。

 

陳健安
陳健安

 

馮允謙(Jay)
馮允謙(Jay)

 

雲浩影有好多支持者。
雲浩影有好多支持者。

 

草蜢對Scool Tour樂而忘返

此外,不少同學在宿舍樓房窗邊捧場,揮動手燈又做心心手勢打氣,蔡一智笑說:「佢哋好似喺啟德運動場坐包廂,VIP嚟㗎!」蘇志威說:「佢哋喺VIP區有冷氣好正,但落嚟企台邊睇嘅同學好近距離感受我哋嘅表演,可以握手,互相感受到大家嘅熱情。」表演最後全場大合照,同學仔大叫encore,草蜢就預告明年4月紅館演唱會,蔡一智希望畢業禮再請他們來慶祝,又說:「下次搞個草蜢Scool Tour啦!原來咁好玩,可以比佢哋感染到嗰種開心氣氛!」至於日前School Tour香港大學站特別嘉賓鄧麗欣(Stephy),適逢是她生日的翌日,所以大合唱《會再見的》後,Feanna捧出生日蛋糕上台,全場唱生日歌賀Stephy,她回禮將生日願望送給現場所有同學仔,祝大家心想事成。

即時娛樂