雲浩影（Cloud）早前為新歌《我們還有幾多時間》拍MV，邀請24歲新一代型男Model仲佳佳（Pete）做男主角，身形高大、外表俊朗的Pete以往拍過不少MV，但今次跟Cloud有不少擁抱和拖手的親密舉動，更應導演要求拍鬧交場面，演戲經驗不多的他，試戲時表現緊張，貼心的Cloud於是要求清場，讓Pete能全程投入拍攝，問Pete如何克服、Cloud對他有甚麼鼓勵時？他靦腆說：「Cloud有喺休息時間同我講，你舒服就好，唔需要做太多動作，諗番轉頭都係！」
雲浩影與型男仲佳佳演情侶
MV故事講述Cloud與Pete希望一起出國進修，奈何只有Pete被校方取錄，不想丟下另一半的他，寧願放棄大好前程，反而Cloud覺得對方想法幼稚，兩人因此意見不合，Cloud表示：「MV故事係講我同Pete原本有一個共同目標，突然呢段關係要走到終點、就快要爆炸嘅時候，我要出嚟拆彈，其實好多時，當一對情侶步伐不一致，想追求嘅嘢唔同，男仔個世界就係個女仔，但女仔就想對方再上進一啲，呢個都係好多情侶會面對嘅問題。」
當日早上主要拍攝兩人拍拖的溫馨場面，拍醜的Pete未敢隨便觸碰女神，即使是一個簡單的擁抱鏡頭，也要Cloud反過來採取主動說：「我哋係專業嘅演員嚟㗎！」到了下午，兩人拍攝Pete不想丟低Cloud出國進修而導致鬧交的戲份，導演琪琪一直細心地指導每句對白和細節，但正式拍攝時，Pete明顯未能完全投入，貼心的Cloud見狀，立即示意清場，當現場二十多名工作人員逐一離開，只剩導演與攝影師，Pete才開始變得放鬆，終於做到導演的Good Take要求。Pete為自己表現評分時表示：「其實可以再做好啲。」身旁的Cloud馬上鼓勵說：「我覺得你已經做得好好，可能佢第一次做戲，現場又有咁多crew喺度，會有一定嘅壓力。」
之後Cloud換上拆彈衣繼續拍攝，外型嬌小的她，穿起拆彈衣時難免舉步難行，「呢件衫嘅感覺係非常之笨重，之前拍《密切接觸者》MV時，都有著過一件類似太空衣，件衫係由羽絨同其他布料拼湊而成，所以好保溫，透氣還好，我會努力保持心靜自然涼。」
