今年初榮升「視后」的龔嘉欣（Katy），事業登上高峰之際卻放緩拍劇節奏，將心力投注於慈善探訪。今年七月，她首次隨國際培幼會深入孟加拉，走訪全球最大羅興亞難民營及達卡貧民窟，見證弱勢女孩在童婚、貧窮與性暴力威脅中掙扎求存的真實困境。她坦言：「人生唔係全部拍戲，有好多嘢更值得做。」面對被外界無聊質疑她冇劇開要入馬場「釣金龜」，她強烈反擊：「唔係你心目中嘅目的就係我嘅目的，我覺得好膚淺！」採訪：方騫平 攝影：林賓尼
Katy形容此行極具挑戰，但意義深遠。最令她心痛的是在難民營中聽聞一對年輕姊妹的遭遇，原來二人連夜逃難至孟加拉時，妹妹目睹姊姊遭性侵，事隔多年創傷仍未癒合：「姊姊聽到妹妹講返經歷時就喊到講唔出聲，對男性有極深恐懼。最荒謬係，佢哋竟然覺得自己係『幸運兒』，因為有女性更慘遭被輪姦。聽到咁講真係好震驚，雖然個心好痛，但都要控制住情緒。」
貧民窟廁所危機
另外，貧民窟不僅缺乏乾淨水源，也欠缺安全的洗手間與沐浴空間，她所見，公共沐浴設施不分男女、由三十個家庭共用，且無門鎖，只得一條膠簾遮住，女性如廁或洗澡時毫無私隱，洗澡時心驚膽跳，因此大部分女仔唔敢除衫沖涼，甚至媽媽在門口守候女兒沖涼；至於學校因資源問題，全校僅得一格廁所。此行她親身體驗難民營廁所：「我去嗰個已經算比較好，有一桶水沖廁，但都只係基本到不能再基本。」談到探訪感受，她認為最主要係公開分享每個地方的狀況，因為唔講真係唔知她誓言改善設施：「今次除咗幫佢哋讀書，更興建過濾水系統、有門嘅廁所同浴室，增強對女孩嘅保護。原來有個安全廁所，對佢哋而言已經係奢望。」問到是否身在福中？她強調：「不論有冇到過呢啲地方，成日都會感恩嘅，反而諗點樣可以用實際體驗去幫到人。」
少女為減壓出嫁
孟加拉童婚問題嚴重，Katy深入了解國際培幼會的反童婚工作：「當地少女11歲左右被逼出嫁，根本唔知婚姻係乜，只知婚後能減輕家庭經濟壓力。」她見證青年大使透過教育訓練，組成倡議小組向社區傳播童婚禍害：「我哋要帶出正確婚姻資訊，講解童婚壞處，阻止更多悲劇發生。」
支持老友入馬場
35歲的龔嘉欣入行17年，憑著肯博肯捱的態度躍升為一線花旦，今年初更勇奪「視后」，不過奪獎後拍劇量反而減少，Katy直言慈善工作反而更忙：「出發前要開會準備，返來要整理相片，既然做得就要全力以赴。」她強調並非冇劇可拍：「公司好支持我做慈善，而且奪獎後拍咗近十個廣告，係我收入最高一年！」針對網民指她現身馬場「釣金龜」評論，她反擊：「我入馬場係為支持好友黃婉曼！唔係你心目中嘅目的就係我嘅目的，我覺得好膚淺。好多時候，自己知道做緊咩就。」她感恩能以行動影響生命：「未必一定係你幫人，可能係人哋幫緊你——呢次探訪，豐富咗我的人生。」她堅定表示：「我準備好㗎啦，隨時再出發去探訪！」
