陳柏宇昨晚（13日）到灣仔出席慈善晚會，身穿背心及毛毛外套的他不時露臂晒肌，他表示今年好畀心機記錄操練進度，亦有控制飲食，坦言有問歌手界最大隻的Tyson Yoshi攞貼士，問對方如何鍛鍊後膊和降體脂，會否會跟對方鬥震波？陳柏宇說：「我又未見過佢震波，我都唔係好震得！」
陳柏宇啟發太太符曉薇一起健身
問到胸肌目標是否想像Tyson Yoshi一樣？陳柏宇明言以現在的年紀（42歲）不可能：「呢啲都要講資質，當然個個人都可以盡力去做，但我唔相信個個人都可以有Tyson Yoshi咁嘅胸肌。」陳柏宇稱最初是因為年紀而去操練之初心，皆因年紀越大肌肉流失就越快：「早兩年開始，望住塊鏡，覺得自己好似個阿伯咁，冇晒啲肌肉，瘦得嚟又肥肥哋，所以扚起心肝操。（會唔會騷下肌？）梗係要啦，等我有嗰陣！不過都應該下年。」陳柏宇透露稍後會拍新歌MV，破天荒做未做過的事情：「我會下海！42歲下海！不過我著西裝，而家畀啲甜頭大家，吊吓癮！」問老婆符曉薇現在如何評價他的body？陳柏宇表示沒有評價很久，現在老婆用行動去表達，跟他一起去健身：「佢畀我啟發到，而家都開始食吓雞胸，朝頭早車阿女返學然後一齊去健身，幾勁呀，要連續一個月有十幾日六點幾起身之後冇瞓返，係一件好巴閉嘅事，我識佢咁耐可能都係得十日八日係早過12點起身！」又表示希望兩人之後可以鬥fit，而自己對老婆的身材一向沒有投訴，無論她fit還是肥肥哋也好睇。
陳柏宇受年紀影響，大肌肉流失快。
陳柏宇︰「早兩年開始，望住塊鏡，覺得自己好似個阿伯咁，冇晒啲肌肉，瘦得嚟又肥肥哋，所以扚起心肝操。」
師兄個膊頭好橫！
同場的Marf@COLLAR。
陳柏宇身穿背心及毛毛外套，不時露臂晒肌。
陳柏宇露臂晒健身成果。
陳柏宇有信心下年騷下肌。
陳柏宇透露稍後會拍新歌MV，破天荒做未做過的事情：「我會下海！42歲下海！不過我會著西裝。」
Tyson Yoshi勁大隻！
陳柏宇擔憂變「陳伯」肌肉流失，急向Tyson Yoshi取經。
陳柏宇說：「我未見過Tyson Yoshi震波，我都唔係好震得！」
諗起《刃牙》！
Tyson Yoshi歌手界最大隻！
