由葉童和黃德斌領銜主演，改編自上海話劇藝術中心原創舞台劇《不可說》的廣東話版黑色話劇：《唔講得》將於9月4－7日在香港文化中心大劇院重演，4－6日為夜場晚上7時45分場次，6日特別加開下午2時30分場次， 7日為日場下午2時30分場次，票價分別為$680、$480、$280和$180四種。觀眾反應熱烈，尚餘少量門票於進念購票平台及城市售票網公開發售。
葉童稱每一場都有新鮮感
日前《唔講得》劇中四位演員包括葉童、黃德斌、楊永德和翁煒桐進行新一輪排練，葉童對於這個劇在文化中心重演表示：「當然好高興，在一個咁短嘅時間《唔講得》再重演，我諗觀眾嘅支持係最大嘅原因，所以係相當之開心。」德斌說：「多謝觀眾嘅支持，今次我哋有啲新嘅環節，我同葉童會互唱。希望可以俾到自己同觀眾新鮮感，自己投入觀眾都投入。」葉童接着說：「今次我哋會喺演出中加入一啲歌曲元素。《唔講得》呢個戲我哋去咗唔同地方演出，每次我都有新嘅感受，每一次每一埸戲我都有唔同嘅感覺唔同嘅體會，再加上我嘅對手俾到我每一次都有新鮮感，所以非常期待今次再次喺香港同大家見面！」
10月上海歌劇院演出
進念•二十面體 (實驗藝術團體) 聯合藝術總監胡恩威表示：「《唔講得》於24年做了一次，25年又再做，一嚟係徇眾要求，二嚟就係因為呢個戲最好場場都睇，因為場場戲都有唔同嘅變化。」監製陳善之說：「我梗係好開心啦，多謝觀眾嘅支持，更加證明香港嘅觀眾對文化藝術有一個誠意同追求。」胡恩威續說：「10月上海國際藝術節邀請咗我哋去演出，我哋會喺一個好特別嘅劇場，上海音樂學院個歌劇院，專係做歌劇嘅，因為做歌劇係唔戴咪，所以做話劇都好啱，同觀眾嘅距離都好親密，10月會喺上海同上海觀眾見面，之後我哋都希望可以繼續發展。」
