現年67歲、有TVB金牌綠葉之稱李成昌，一直是顧家好男人，為養家及供寶貝女兒外國留學仍不斷工作，單是2022年便有7部劇出街，2023年都有4部。近年李成昌進駐內地人氣社交平台小紅書，不時跟一班老友如邵卓堯等北上玩樂的他，早前就拍片表示自己有意於未來到國內發展。近日他再次「行山講故」，他大爆有意返內地居住。
李成昌欲返內地居住
李成昌以「內地居住中山、佛山定肇慶好」為題發帖，這次他行城門水塘，雖然當日天氣炎熱，濕度超過90，但身穿藍色運動衫的李成昌仍然十分精神，健步如飛之餘更聲如洪鐘。他表示近期不斷聽到朋友訴說內地的買櫻行情，搞到他自己也心思思想在內地買磚頭：「最近聽啲朋友同事，個個都搬返晒內地住，去中山、肇慶、佛山等地，我聽佢哋講，真係好正喎」。
相關閱讀：67歲李成昌認想北上發展但「唔係依家」親解原因 網民讚：靈魂自由 為供女兒赴英讀書搏命開工多年
李成昌有興趣租屋
李成昌對朋友的推介極有興趣，似乎事在必行：「如果係租人地方，都係畀2千零蚊，就有3房2廳，又有套廁，連家具呀電視呀全部都包埋，咁可能係偏遠少少先係呢個價錢啦，真係幾吸引」。
李成昌短時間回內地睇樓
李成昌承認自己大為心動：「真係心思思，如果到冇乜工開，到上面租番層，得閒就上去行下山食下嘢都幾好喎，好，遲啲上去睇下有冇正嘢先，可能第時喺中山見到你」。李成昌的問題，引來不少內地網民留言，中山得到頗多的支持，其中一位網民就指：「那肯定中山好啊。黎耀祥啊錢小豪啊還有湯俊明，都是住在那里。而且實在沒工開的話，還可以在當地搞點小投資，基本就是坐在家里收錢了」。
李成昌未來有意北上發展
李成昌早前曾拍片承認，自己其實有意北上發展，「至於我返唔返呢？我返嘅，到我滿足晒或者做足晒，或者做到啦，唔一定滿足晒或者做足晒，即係我依家嘅想法，我嘅理想就話呢，到時我會返內地發展，希望到時大家，希望大家唔好嫌棄昌哥」。
