譚輝智今晚（12日）到金鐘出席慈善晚宴，剛從馬來西亞回港的他表示今次去當地挑戰食榴槤成功，之後也不介意再食，而此行最難忘是跟車婉婉一起去，沒想過對方那麼玩得之餘，也更了解對方，又透露下一站有可能是去韓國，但要等粉絲決定。
未知朋友有否參加《中年好聲音4》
提到《中年好聲音4》早前進行海選，譚輝智謂只看過新聞，至於是否有朋友參加？他就表示應該沒有：「可能有都唔定，但冇同我講，（有冇人問你取經？）冇乜，有啲藝人朋友有少少興趣，但得個諗字，唔知佢哋有冇（參加）。」
譚輝智今晚到金鐘出席慈善晚宴。
譚輝智於月底將會跟周吉佩、黃劍文等人一起開騷，下星期會開始排練。
問到會否請關嘉敏跟他一起跳舞？譚輝智笑說：「關嘉敏而家唔跳㗎啦！」
譚輝智指與關嘉敏最近都很忙，所以沒有跟她聯絡。
譚輝智笑言：「佢而家女神嚟㗎，有矜持，跳舞佢未必肯。」
關嘉敏近日因《女神配對計劃》人氣急升！
大讚關嘉敏百變
譚輝智於月底將會跟周吉佩、黃劍文等人一起開騷，他指下星期會開始排練，現時正在度驚喜環節，今次也會有一些Crossover的演出，問到他的驚喜是否跳舞？譚輝智說：「睇吓可唔可以叫埋佢哋（周吉佩等）一齊跳？（挑戰新舞蹈？）都有機會，想做啲未做過嘅嘢。」至於是否會請關嘉敏跟他一起跳？他笑說：「關嘉敏而家唔跳㗎啦，佢而家女神嚟㗎，有矜持，跳舞佢未必肯。」他又指對方最近很忙，所以沒有跟她聯絡，也不知她的感情狀況，自己也很期待知道她最後揀了誰人，問譚輝智覺得誰比較適合關嘉敏？他說：「係咪細John（姜卓文）？佢揀得應該有啲原因。」而他也大讚關嘉敏百變，因本是靚女的她不介意醜化自己去扮嘢，並不是太多人能做到，是很難得的事情。
