「籃球女神」方泳琳（Jessie）與前甲一籃球員陳張敏（Ryan）結婚1年半，今年4月報喜造人成功。二人的女兒今日（1日）已順利出世，怕血的陳張敏更陪方泳琳入產房，迎接囡囡Railey的來臨。
方泳琳老公醫院陪伴
方泳琳昨日在IG上載產前拍攝的孕照，兩夫妻穿上白色同色系打扮，期待迎接新生命。方泳琳留言：「聽日就見到你喇，超期待！勁興奮！See you soooooooon」。方泳琳之後又更新IG限時動態，見到昨晚已經入院，老公陪伴在側。
相關閱讀：「籃球女神」晒巨肚宣布懷孕 與前甲一老公拍ViuTV真人騷後見紅：諗返起都牙煙
方泳琳入產房前打卡
方泳琳於今早入產房時再打卡，直到下午才更新IG宣布囡囡Railey出世，陳張敏入產房陪產及剪臍帶，一家三口首張合照，見到BB合埋雙眼，舉起手仔看起來好活潑，五官暫時似媽媽。方泳琳留言：「1.8.25 Welcome to the world, My baby Railey」。
方泳琳誕女好感動
方泳琳表示聽到囡囡出世後的喊聲，與老公都好感動：「第一下聽到你嘅喊聲，媽咪Daddy都好感動，原來一個新生命誕生嘅喜悅，係好難用筆墨去形容！Railey以後請你多多指教，歡迎加入我哋嘅大家庭，同一班哥哥姐姐好好相處，我哋一定會好好學習做你父母。」
方泳琳爆老公緊張
陳張敏又被老婆方泳琳爆料：「另外要讚一讚怕血嘅Daddy好勇敢入嚟陪產，同埋剪臍帶手勢都唔錯，不過唔好睇佢笑到四萬咁口，其實佢係緊張到出晒手汗。」廖子妤、林芊妤（Coffee）、李綺雯、陳葦璇送上祝賀。
方泳琳兩度遇渣男
36歲的方泳琳曾是香港女子乙組籃球隊「悠悠」成員，擔任得分後衛。方泳琳2017曾參演當年話題電影《29+1》，飾演女主角周秀娜的年輕版。於2021年以「Renci」參加ViuTV節目《最後一屆口罩小姐選舉》，之後演出劇集《大叔的愛》，飾演插畫家「Kiko」一角，又在張天賦（MC）主演的電影《夜校》中亮相。方泳琳曾主持HOY TV旅遊節目《杭州限定旅團》，亦試過與老公陳張敏以夫妻檔參加《大力情人》節目。方泳琳三年前現身節目《晚吹—戀講嘢》，自揭兩度遇渣男，其中一人為籃球員。
