已經60歲的郭政鴻，曾因感情問題令形象插水，十年前離開服務30年的TVB，之後往內地發展，不時拍片放到小紅書保持曝光率。近日有網民在小紅書上載一條影片，見到郭政鴻現身紅磡觀音誕，更在街頭拎起長槍耍功夫。
郭政鴻露自信笑容
網民分享的影片留言：「紅磡觀音誕2025郭政鴻師傅功夫表演 #非遺文化傳承」。片中見到郭政鴻拎起長槍，又揈又踢又跳起，行雲流水的表現，獲不少圍觀市民拍掌支持，郭政鴻完成後更露出自信的笑容。
相關閱讀：「最美星二代」隨時大執位？前TVB渣男寶貝女仙氣逼人 兩姊妹皮膚白晳身形高䠷備受關注
郭政鴻外表年輕
不少網民見到郭政鴻耍長槍的影片，大讚他外表年輕：「同呂良偉、郭富城差不多，都係60+，睇落都係後生有型」、「人哋已經過60了」、「60歲完全看不出，像個30歲小伙（子）」、「一直覺得郭政鴻好型，可惜不受力捧」、「看有點生疏，沒力」等。
郭政鴻受電影薰陶
郭政鴻從細受黃飛鴻電影感染，對武術產生興趣，南派與北派的對決令他如癡如醉。郭政鴻約10歲起便跟師傅學習第一派的蔡李佛拳術，之後又對另一派別的拳術吸引，偷偷學習，郭政鴻多年來曾跟隨約三、四位師傅學武。郭政鴻曾代表所屬武術體育會多次參加武術功夫比賽，獲得過兩次銅牌、一次金牌。
郭政鴻武術精湛
郭政鴻因武術精湛，獲得不少演出幾會，當中《射鵰英雄傳》、《西遊記》、《西遊記（貳）》 、《蕭十一郎》、《雲海玉弓緣》、《大唐雙龍傳》、《覆雨翻雲》等經典劇集，便見到郭政鴻有連場打戲。郭政鴻在劇集《南拳北腿》、《南龍北鳳》、《佛山贊師父》中，更與幾位同樣有武術底子的演員，在劇中以真功夫演出。
相關閱讀：前TVB「渣男小生」顏值回春 皮膚緊緻髮色烏黑減齡廿年 網民質疑身高數字有水份？
