洪嘉豪受大病啟發 創作《親愛的》包辦曲詞 經歷低潮大覺瞓︰醒咗就有光

洪嘉豪日前推出今年第二首包辦曲詞的新歌《親愛的》,歌曲有別以往中慢板曲風,是一首Pop rock的抒情歌,洪嘉豪說:「作曲部分有啲諗法,想有一首感覺好似『嘈少少』、『Rock少少』嘅抒情歌,咁歌詞部分,我係幻想呢個世界上有無數唔開心嘅人,包括我自己,點樣去度過唔開心嗰一晚,然後捱過咗喇!天光喇!我係想講,呢一個夜晚到朝頭早嘅過程,我覺得呢首歌歌詞部分係要冇重複,越嚟越近,就見到曙光。」

洪嘉豪︰正面嘅人都有悲觀時

他續說:「歌詞上,呢首歌想講嘅內容都幾多㗎,我成日都會有個問題問自己,到底係想要『及時行樂』定係要『未雨綢繆』?再加上我之前有重病啦,中咗甲流(甲型流感),嗰次實在太嚴重、太辛苦,Touch wood我有咩事嘅話,我會有咩遺憾呢?原來我係冇真真正正享受過生活。」而《親愛的》MV講述,飾演燈箱師傅的洪嘉豪,在工作中遇上因為感情事服藥而夢遊的女生,他決定默默地跟隨女主角於城市遊走,守護着她,陪伴着她迎來天亮破曉的一刻。

問到洪嘉豪經歷人生低潮時,如何度過悲觀情緒?他說:「我相信每個人都會有悲觀時候,幾『正面』嘅人都會有!何況我都唔係一個好正面嘅人!至於點樣去渡過,其實都係『捱咗佢』又或者會逼自己瞓覺『瞓咗佢』就算。情緒上嘅問題,或心理上嘅Panic,又或者好不安等等,我想借呢首歌同大家講,我同你都係一樣㗎,我都會經歷呢一晚!」

洪嘉豪新歌《親愛的》MV,化身燈箱師,默默守護夢遊女生。
洪嘉豪新歌《親愛的》MV,化身燈箱師,默默守護夢遊女生。

 

洪嘉豪《親愛的》嘗試新曲風,「係『嘈少少』、『Rock少少』嘅抒情歌。」
洪嘉豪《親愛的》嘗試新曲風,「係『嘈少少』、『Rock少少』嘅抒情歌。」

 

面對逆境,洪嘉豪︰「其實都係『捱咗佢』又或者逼自己瞓覺『瞓咗佢』就算!」
面對逆境,洪嘉豪︰「其實都係『捱咗佢』又或者逼自己瞓覺『瞓咗佢』就算!」

 

MV呢位女生為情所困,服藥再夢遊。洪嘉豪盼陪伴歌迷走過高山低谷。
MV呢位女生為情所困,服藥再夢遊。洪嘉豪盼陪伴歌迷走過高山低谷。

 

洪嘉豪之前患病而啟發他創作《親愛的》。
洪嘉豪之前患病而啟發他創作《親愛的》。

 

《親愛的》是一首Pop rock的抒情歌。
《親愛的》是一首Pop rock的抒情歌。

 

洪嘉豪表示《親愛的》有好多message,包括「未來」、「享受生活」與「遺憾」。
洪嘉豪表示《親愛的》有好多message,包括「未來」、「享受生活」與「遺憾」。

 

洪嘉豪日前推出今年第二首包辦曲詞的新歌《親愛的》。
洪嘉豪日前推出今年第二首包辦曲詞的新歌《親愛的》。

 

洪嘉豪與你我一樣,情緒上都會經歷恐慌、不安等等。
洪嘉豪與你我一樣,情緒上都會經歷恐慌、不安等等。

 

陪伴、聆聽好過畀意見。
陪伴、聆聽好過畀意見。

 

即時娛樂