《陳慧琳Season 2 萬人結界演唱會》10場個唱，將於7月11日假紅磡香港體育館揭開序幕，今次以「萬人結界」為主題，Kelly將透過音樂、燈光及舞台效果，與歌迷重燃30年來的經典時刻。昨日Kelly現身綵排場地，並分享說：「今次綵排係最後衝刺，今日嚟呢個1︰1舞台模擬練習，因為紅館舞台好大兼舞台特別構造，排舞室冇咁大場地俾我哋真實咁走位，再加上演唱會有好大嘅道具、好多機關，配合舞蹈同dancer，今日所有人都要嚟綵排，台前幕後工作人員全部到齊，租用場地做3天大型綵排，希望趕及排練進度！」
一環節重現Y2K時代Rave Party
適逢Kelly入行30周年，唱片公司藉此機會推出新碟。
Kelly表示當中有一首未推出過的新歌。
將於7月在紅館舉行10場個唱的Kelly，到綵排場地進行1︰1舞台模擬練習。
Kelly的新碟。
Kelly透露演唱會必然有勁舞部分，一環節更重現Y2K時代的Rave Party。
Kelly表示：「所有人都要嚟綵排，台前幕後工作人員全部到齊！」
期待Kelly演出時，舞台皇者的風範。
演唱會必然有勁舞部分，Kelly透露：「其中一個結界（環節），係帶大家返去Y2K時代嘅Rave Party，所以記得要着輕便嘅裝束嚟一齊跳舞！」適逢Kelly入行30周年，唱片公司藉此機會推出新碟，Kelly笑言：「我自從2018年之後就冇出過碟，今次將呢段時間發行過嘅廣東歌及國語歌都收錄喺裏面，當中仲有一首未推出過嘅新歌，隻碟7月11日起在紅館優先開賣，7月15日正式公開發售。」她又呼籲觀眾記得準時入場，避免錯過精采的opening環節。
